Mondoñedo, 7 de marzo de 2018.- A alcaldesa de Mondoñedo, Elena Candia, participa mañá xoves, ás 13:00 horas, na presentación na Casa do Concello do terceiro panel ‘A Historia de Mondoñedo leva nome de muller”.
Dende o Goberno local explican que, seguindo o labor iniciado o ano pasado para poñer en valor a aquelas mulleres mindonienses que dunha maneira ou outra fixeron, fan ou farán historia, este ano presentarase o novo panel que formará parte da exposición permanente “A Historia de Mondoñedo leva nome de muller”.
A este respecto, engaden que durante este mes de marzo os paneis estarán expostos na entrada da Casa de Concello. A partir de abril poderán verse na sala de reunións de Servizos Sociais e CIM.
A maiores e con motivo da conmemoración do Día Internacional da Muller, o Concello de Mondoñedo, a través do Centro de Información ás Mulleres e do departamento de Servizos Sociais, ten programados outros actos ao longo do mes.
Homenaxe a Elisa Lamas
En concreto, o xoves 15 de marzo celebrase un acto de homenaxe a Elisa Lamas, ás 12:00 horas, no Salón de Plenos da Casa do Concello. Elisa Lamas (pseudónimo de Elisa Maseda de Arango) foi unha escritora orixinaria de Mondoñedo pioneira do feminismo en España. Por tal motivo “quérese renderlle unha homenaxe que a súa vez sirva para a divulgación da súa persoa e obra”, explican dende o Goberno local.
Participarán Martín Fernández Vizoso, estudoso da figura de Elisa Lamas e moitas outras mulleres mindonienses, así como rapazas e rapaces do IES San Rosendo que intervirán coa lectura de varios textos.
Neste mesmo acto serán entregados os premios dos concursos escolares ‘Debuxando en Igualdade’ (debuxo) e ‘Letras para a igualdade’ (relato curto), convocados para o alumnado dos centros de Primaria e Secundaria de Mondoñedo, Abadín, Lourenzá, A Pastoriza e Riotorto.
Cea das mulleres
Dentro dos actos previstos durante o mes de marzo, o Concello de Mondoñedo recuperará este ano, tras un parón de catro, a celebración da cea das mulleres, o vindeiro venres 23 de marzo. Trátase dun evento social no que as mulleres do Concello e limítrofes poden socializar entre elas nun entorno relaxado e festivo.
Máis actividades
Ademais destes actos, dende o Goberno local tamén fan mención á participación dunha representación do CIM na xornada ‘Lidera: avanzando en igualdade’ que organiza a Xunta de Galicia o vindeiro 7 de marzo en Santiago de Compostela, así como á intervención da alcaldesa Elena Candia, mañá xoves, ás 11:45 horas no CEIP Álvaro Cunqueiro Mora, onde contará a súa experiencia como exemplo de muller profesional.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.