Lugo, 10 de abril de 2018. Os 12 Deputados do Partido Popular e Manuel Martínez aproban no Pleno Extraordinario deste martes un acordo “ilegal”. É a 1ª vez na historia da Deputación, que se vota a favor dunha proposta que conta con cinco informes xurídico-administrativos desfavorables (Secretaria Xeral, Asesoría Xurídica, Intervención, Contratación e Benestar) e sobre a que se apunta textualmente e se remarca o seguinte: como conclusión, non cabe senón advertir da manifesta ilegalidade dos acordos que se pretenden adoptar, sinalando que así constará na acta da sesión.
O acordo que presentou o Partido Popular é o seguinte: ratificación da eficacia da encomenda de xestión á entidade mercantil SUPLUSA aprobada polo Pleno da Deputación Provincial de Lugo con data 26/10/2010 e da declaración da continuidade da sociedade como medio propio e servizo técnico da institución provincial para a prestación do servizos sociais.
A petición da ratificación da encomenda de xestión á SUPLUSA desvela as reiteradas e manifestadas mentiras pronunciadas ao respecto, pois asegurouse que o Goberno da Deputación quitara esta encomenda a dita sociedade mercantil. De ser certo isto, hoxe debería terse solicitado, en todo caso, a súa continuidade. O certo é que a encomenda de 2010, que é para a construción dos centros de maiores, segue vixente, tal e como sempre se dixo e se acreditou con documentación oficial. De feito, na Xunta de Goberno do 9 de marzo, o Executivo da Deputación ordenou a SUPLUSA que execute a encomenda e continúe coas obras das residencias.
Ao respecto da petición do Partido Popular sobre a declaración da continuidade da sociedade como medio propio e servizo técnico da institución provincial para a prestación de servizos sociais, cómpre destacar que SUPLUSA non pode recuperar a súa condición de medio propio sen cumprir coas leis que rexen as encomendas de xestión, tal e como recollen os cinco informes xurídico-administrativos presentados ao Pleno. É dicir, isto non é un mandato político senón normativo, pois hai que cumprir as leis.
Como sempre se asegurou e se acreditou con documentación oficial, na Xunta de Goberno do 9 de marzo, o Goberno da Deputación retira a SUPLUSA a súa condición de medio propio debido aos seus múltiples incumprimentos, pois non atende as directrices da súa matriz, que é a Deputación. Por exemplo, negouse a asumir a prestación dos catamaráns, a entregar ao organismo provincial as liquidacións de 2016 ou a documentación dos centros de maiores finalizados, entre outras cuestións. No acordo de dita Xunta de Goberno, tamén se apunta que SUPLUSA pode recuperar a súa condición de medio propio cando regularice a súa situación, é dicir, cumpra a lei.
Ao respecto dos centros de maiores e ante as manifestadas mentiras ou manipulacións pronunciadas ao respecto cómpre aclarar o seguinte:
1.- A encomenda aprobada en 2010 foi para a construción dos centros de maiores.
2.- Os primeiros convenios cos Concellos foron para as obras. De feito, a Deputación comprometía un investimento de 1,2 millóns e os Concellos a colaborar cos 200.000 euros, achegando os terreos e os servizos urbanísticos.
3.- A Deputación definiu recentemente o modelo de xestión dos centros de maiores cos Concellos, respectando a autonomía municipal e tendo en conta que son os Concellos os que teñen as competencias directas na materia. Fixérono en reunións dos representantes políticos cos Secretarios e Interventores provinciais e municipais para, ademais de cumprir coa vontade política de que as prazas sexan para todos os lucenses, acadar un modelo que cumpra rigorosamente a lexislación vixente, pois dende a posta en marcha da rede pública de residencia e centros de día no 2010 producíronse significativos cambios normativo que fixaron novos límites ás administracións públicas en materia orzamentaria, contratación ou emprego público.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.