Lugo, 18 de abril de 2018. O Presidente e Alcalde da Pontenova, Darío Campos Conde, xunto ao Tenente de Alcalde do Concello, Francisco Martínez Bermúdez, e o Presidente do Centro de Iniciativas Turísticas (CIT), Francisco Javier Rois Freijo, presentou este mércores a XL Festa da Troita da Pontenova, que terá lugar os días 30 de abril e 1 de maio no municipio mariñán. O Goberno da Deputación, xunto co Concello, promoven a organización deste evento cun investimento de 9.000 euros, sendo as únicas administracións que apoian esta cita.
Campos Conde subliñou que “a Festa da Troita cumpre 40 edicións totalmente consolidada no calendario festivo galego como unha das citas que atraen a un maior número de visitantes entre pescadores chegados de diferentes puntos de España como Palencia, Burgos, ou Asturias que acoden a competir coas súas familias; e veciños da provincia de Lugo e da comunidade galega que veñen a degustar as troitas nas casetas da festa. Trátase, polo tanto, dun evento con gran relevancia non só para a economía do Concello, senón tamén do conxunto da Comarca, pois durante dous días recibiremos a visita de milleiros de persoas que se hospedarán e xerarán riqueza entre os nosos establecementos de ocio e restauración”.
O Presidente da Deputación e Alcalde da Pontenova avanzou que “este ano, como novidade, inauguramos o I Mercado Festa da Troita que contará con máis de 10 postos de artesanía e de comida típica e tradicional e que estará situado na Praza do Concello, como un atractivo máis da cita. Estamos seguros de que tanto os artesáns como as persoas que participen nesta nova edición da Festa da Troita quedarán con ganas de repetir en vindeiras ocasións”.
O evento, declarado Festa de Interese Turístico Galego e Interese Turístico Deportivo Nacional, reunirá a 120 pescadores e milleiros de visitantes que poderán gozar dunha ampla programación, coa degustación de troitas nas casetas, acompañadas con pan e viño, a un prezo de 5 euros; os concursos de pesca nas modalidades de lance, salmón e mosca; así como diferentes actuacións musicais e a entrega das distintas Troitas de Ouro, que recoñecen en cada edición aos persoeiros máis destacados do mundo da pesca. Nesta edición os premiados son os seguintes: o programa “Caza e Pesca” de Movistar Plus; o artesán de moscas Vicente Longo; o escritor Guy Roques; o campión de España de lance por equipos Raúl Ibo Salazar; o campión de España Xuvenil de pesca morta Alí Pérez Trebolle.
Programación
Luns, 30 de abril
– 13:30 horas: Inauguración do I Mercado Festa da Troita.
– 14:00 horas: Sesión vermú a cargo da orquestra Ritmo Joven.
– 20:00 horas: Entrega pública das distintas Troitas de Ouro:
– Programa Caza e Pesca de Movistar Plus.
– Vicente Longo, artesán de Moscas Asturiano.
– Guy Roques, escritor e pescador.
– Raúl Ibo Salazar, campión de España de lance por equipos.
– Alí Pérez Trebolle, campión de España Xuvenil de pesca a mosca.
– Entrega 1º Premio Literario de Relato Corto Honor de Miranda.
– 21:00 horas: Pregón a cargo de Martín Barreiro (Meteorólogo TVE).
– Verbena a cargo das orquestras Olympus e Ritmo Joven.
Martes, 1 de maio:
– 9:00 horas: Comezo dos concursos de pesca (lance, salmón e mosca).
– 11:00 a 20:00 horas: I Mercado Festa da Troita
– 12:30 horas: Actuación do Grupo Rexional A Chocolateira da Pontenova.
– 13:30 horas: Remate dos concursos, pesaxe e clasificación.
– Sesión vermú coa orquestra Suavecito.
– 18:00 horas: Entrega trofeos no Salón de Actos da Casa da Cultura.
– Verbena a cargo da orquestra Suavecito.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
