A Asociación de axuda ó enfermo mental “A Mariña” viaxa a Cuntis en busca do relax e o bo tempo

A Mariña 16-4-18. A ASOCIACIÓN DE AXUDA Ó ENFERMO MENTAL A MARIÑA, integrada na Federación de Asociacións de Familiares e Persoas con Enfermidades Mentais de Galicia (Saúde Mental Feafes Galicia) está a participar nunha viaxe ao Balneario de Cuntis, unha actividade na que partipan en torno a 30 persoas con enfermidade mental, de diversos Centros de Galicia, acompañados dos respectivos monitores.
Hoxe ao mediodía chegaban ás instalacións do balneario , con un planing de actividades moi interesante. Concretamente, disfrutarán das actividades propiamente ditas do balneario, o maior balneario de toda Galicia, xa que ademáis da piscina terapéutica ten máis de 40 cabinas individuais de tratamento, con baños de hidromasaxe e aeromasaxe, chorros, parafangos, duchas circulares, entre outros servizos, e ademáis todos enmarcados nun entorno enmellorable .
Aproveitando a ocasión, debo de destacar que saber disfrutar do tempo de ocio é fundamental para garantír unha boa calidade de vida. Cando se trata de persoas que padecen unha enfermidade mental crónica en situación de internamento residencial, en algúns dos casos, cobra especial relevancia para que o tempo de ocio sexa ademáis de ocio rehabilitador donde se contribúa a:
oManter a estabilidade clínica
oEvitar o aillamento a través da integración na comunidade
oAumentar a socialización
oMellorar a autonomía
oMellorar a calidade de vida
oMellorar a autoestima
Por iso quero facer fincapé na importancia destas actividades, e destacar que ademais de loitar contra o estigma social, as persoas diagnosticadas de enfermidade mental, con un tratamento axeitado e cos apoios necesarios, ousexa, un tratamento integral, poden recuperar as súas habilidades sociais e reintegrarse plenamente na sociedade.
Agardamos , por tanto, que esta viaxe favoreza a súa mellora terapéutica e que esté á altura das expectativas de cada un, que disfruten do lecer, do relax e de seguro que do bo tempo. Así como que veñan coas pilas cargadas para o próximo sábado , dia da celebración da nosa cea benéfica anual.