Burela, 27 de abril de 2018. As XXV Xornadas Técnicas Expomar, que se desenvolverán os días 3 e 4 de maio, serán inauguradas pola conselleira do Mar, Rosa Quintana, e clausuradas polo presidente da Deputación de Lugo, Darío Campos. Nesta cita abordaranse temas como a política pesqueira comunitaria e os hábitos de consumo, nutrición e trazabilidade. O alcalde de Burela e presidente da Fundación Expomar, Alfredo Llano, fai unha chamada ao consumidor a asistir á mesa redonda do venres, debido aos temas que se abordarán: a importancia do peixe na dieta nutricional, a trazabilidade, o etiquetado e a información ao consumidor, entre outros. Paralelamente o venres, día 4, tamén se celebrará o Encontro Empresarial de Organizacións Pesqueiras.
Llano subliñou que “este ano ten a particularidade de ser o 25 aniversario, o cal ven indicar que hai interese desde a Fundación Expomar en estar sempre co sector pesqueiro tanto de Burela como da comarca da Mariña e de toda Galicia. Sempre mirando de favorecer a información, a participación e aquelas cuestións que poidan preocupar á xente do sector, dar un respaldo e estar aí sempre pensando en ter un sector ben coidado”.
Para o alcalde burelés “é un sector que debe preocuparnos a todos para que non soamente non baixe senón que suba, que se implante e vaia medrando. Hai que ter en conta que é unha actividade profesional que dá moita economía á nosa comarca, ao concello de Burela, e ao mesmo tempo temos que procurar que exista información e motivación suficiente para que moitas persoas estean interesadas en seguir coa actividade, e desta maneira asegurar unha continuidade durante o tempo dunha forma sostible e ben levada”.
O rexedor contou que “o día 3 todas as ponencias van orientadas ao sector profesional, aos armadores, á xente que traballa en diversos departamentos de pesca e todo aquilo que ten que ver co sector. Van tratarse os temas do brexit, dos descartes, temas que preocupan agora mesmo e que se están negociando en Bruxelas”.
Alfredo Llano engadiu que “o segundo día, tamén para min é moi importante porque, as ponencias que se van expoñer pola tarde, van encamiñadas a que toda a xente que queira acudir, aínda que sexa profana no tema pero como consumidora ou interesada de ver como funciona o mundo do mar, imos dar temas de nutrición, de trazabilidade, de consumo, cal é o produto que máis se vende, o produto que se pode atopar en diversas fórmulas, etc…, todo aquilo que sexa información sobre unha boa maneira de consumir o peixe”.
O presidente da Fundación Expomar salienta que “imos ter o día 4 pola mañá o encontro empresarial que tamén é fundamental para estas xornadas, dado que aquí concéntranse en Burela moitisimos profesionais que veñen de diversos sitios de toda Galicia, ademais de Asturias e doutros lugares e debaten sobre aqueles problemas polos que teñen máis preocupación agora mesmo no sector. Unha vez que rematan sacan sempre unhas conclusións que mandan ás diferentes institucións, departamentos e asociacións pesqueiras para que se teñan en conta”.
Llano invita “a todo o mundo a participar, a que se achegue a Burela os días 3 e 4. Pensamos que vai ser unha boa maneira de descubrir o mundo do mar, o sector pesqueiro e de ver os problemas que agora mesmo preocupan ao sector, e como temos que facer para que isto sexa unha actividade duradeira no tempo, importantísima na economía e tamén moi importante no social. Entre todos trataremos de construír unha forma positiva de ver a pesca como un elemento imprescindible para todos nosoutros”.
Na presentación que tivo lugar esta mañá no Concello participaron ademais do alcalde, a concelleira de Mar, Patricia Otero, a deputada de Economía e Recadación, Mayra García, o xefe territorial da Consellería do Mar, Pablo Fernández, a xerente da Fundación Expomar, Catalina Sánchez, e representantes de Absa, da OPP e da confraría de pescadores de Burela.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
