Lugo, 11 de abril de 2018. O Presidente, Darío Campos Conde, nomeou este mércores a Argelio Fernández Queipo como Vicepresidente da Deputación e responsable do departamento de Xestión Territorial, que inclúe Vías e Obras e Parque Móbil. Fíxoo simultaneamente ao cese de Manuel Martínez destas responsabilidades, así como da Xunta de Goberno, órgano no que pasa a ser membro a Deputada de Cultura, Pilar García Porto.
Campos Conde destacou que “continuamos a traballar con absoluta normalidade e con maior intensidade se cabe por unha Deputación coas persoas, social e rural. Somos un equipo de Goberno no que prima a humildade, a responsabilidade e o compromiso cos máis de 300.000 veciños da nosa provincia. E creo que así o demostramos sempre con cada un dos proxectos que fomos quen de sacar adiante a pesar de todas as trabas que tentan poñernos. Hoxe a Deputación é por excelencia o motor económico e social desta provincia, a institución con máis iniciativas para a xeración de novos postos de traballo e oportunidades económicas, para fomentar o benestar dos nosos veciños ou para dinamizar a vida no rural. Lideramos os investimentos na provincia en plans de xeración directa de emprego, de atención aos nosos maiores e a persoas con capacidades diferentes, de obra pública e tamén de impulso do deporte, a cultura ou promoción turística. Destinamos todos os fondos públicos desta institución, que son de todos os lucenses, á mellora da calidade de vida dos nosos veciños. E así o seguiremos a facer sempre”.
Fernández Queipo
Fernández Queipo continúa á fronte da área de Cooperación cos Concellos e Medio Ambiente, asumindo ademais agora, polo tanto, a Vicepresidencia e a área de Xestión Territorial da Deputación. É traballador público en excedencia no servizo de Conservación de Estradas de Asturias, “unha persoa que, non só debido á súa profesión, está moi sensibilizada coa necesidade de mellorar o conxunto de estradas nos 67 Concellos imprescindible para garantir a igualdade de oportunidades vivas onde vivas. Como veciño e Alcalde da Fonsagrada, coñece de primeira man ás necesidades nesta materia, pois a Montaña foi durante décadas de goberno do PP a Comarca esquecida”, destacou o Presidente. Pola súa banda, o xa Vicepresidente dixo sentirse “moi honrado pola confianza depositada en mín polos meus compañeiros. É unha grande responsabilidade, que asumo con total humildade e con moita ilusión. Sempre digo que a Deputación é a casa de todos os Concellos polo que, dende as miñas novas competencias, seguirei a traballar para tentar dar respostas ás necesidade de todos os veciños da nosa provincia. Só agardo estar á altura das circunstancias. Moitas grazas amigo Presidente”.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
