Mondoñedo 18 de abril 2018: A Asociación Cultural As San Lucas dá a coñecer o programa completo para As Quendas 2018, que se celebrarán en Mondoñedo entre o sábado 28 de abril e o martes un de maio. O presidente do ente organizador, Miguel Souto, convida a visitar estes días a cidade, onde poderán desfrutar de actividades “moi variadas con iniciativas culturais, literarias, deportivas, gastronómicas, musicais e mesmo de humor”.
A cidade de Álvaro Cunqueiro arranca así un ano máis a celebración das súas feiras e festas que dan comezo con As Quendas, que teñen a súa orixe nunha feira franca que se celebraba durante tres días, -o primeiro día de maio e os dous días seguintes-; e rematan coas San Lucas, en outubro, celebración que ostenta o título de ser a feira máis antiga de toda a comunidade autónoma e “nas que xa estamos a traballar”, anuncia Miguel Souto.
Programa de actividades
Trala recepción das autoridades e da pregoeira na Casa do Concello o sábado 28 de abril, a partir das 20:15 horas, dará comezo a lectura do pregón que cada ano marca o inicio das festas e que nesta ocasión pronunciará a directora e produtora audiovisual, cun premio Mestre Mateo, Ruth Chao, quen di de Mondoñedo que é “un plató natural para as rodaxes”. Actuarán o Grupo de Gaitas Souto Xímaro e o Coro Mestre Pacheco da Escola Municipal de Música ‘O Pallarego’. Este ano tamén se procederá ao acendido do arco conmemorativo dos 125 anos da chegada da luz eléctrica a Mondoñedo e estarán xa abertos os postos de polbo na Alameda.
Ao día seguinte, o domingo 29 de abril, dende as 11:30 horas, terá lugar a I Xuntanza de Vespas, Lambrettas e Motos Clásicas ‘As Quendas’. A recepción dos inscritos realizarase no pazo de Santo Tomé (Antigo Centro Comarcal) e poderán participar nun programa de actividades que inclúe xantar no Bar-Polbería O Bigotes; proxección do documental O meu avó tiña unha igual; visita á exposición do escultor Juan Puchades, “mestre de mestres que chegou a Mondoñedo en vespa na década dos sesenta do pasado século”. Dita exposición recolle unha selección de obras de antigos alumnos de Puchades. Por último, os participantes nesta primeira xuntanza de motos clásicas darán unha paseo polas rúas da cidade ata a alameda. Os que desexen anotarse poderán facelo a través do teléfono 689 008 073.
O mesmo domingo, xa pola tarde, haberá no recinto da Granxa, a partir das 17:00 horas, unha exhibición e concurso hípico de salto, a cargo de Hípica Equs de Lugo e Centros Ecuestres. Tamén ás 19:30 horas, programase unha obra de teatro no auditorio Pascual Veiga, da man da compañía Daboapipa co espectáculo ‘Historias de Vida, Guerra, Amor e Case Morte”.
Na xornada do luns 30 de abril, o auditorio municipal Pascual Veiga, acollerá a partir das 21.00 horas o primeiro pase do monólogo de Xosé A. Touriñán. Dado o éxito que está a ter esta actuación, celebrarase un segundo pase ás 23.00 horas. As entradas pódense adquirir por cinco euros na oficina de turismo e o día da actuación humorística, no caso de que non se esgotasen con anterioridade. Este mesmo día pola tarde, dende as 16.30 horas, haberá un obradoiro de reciclaxe para nenos e nenas, na Casa da Xuventude, promovido pola Deputación.
Xa o martes un de maio, Día Grande de As Quendas, será a Gran Feira Tradicional de Gando Cabalar, a partir as 9.00 horas no Campo da Feira. Dende as 11.45 horas, a raíña das festas e damas xunto cos cabezudos e o grupo de música tradicional A Fonte de Merlán de Palas de Rei sairán da Casa do Concello e percorrerán os diferentes postos. Tamén polas rúas haberá Micromina Títeres co espectáculo Radio Loubicán. Xa as 13.30 terá lugar a entrega de premios no concurso de gando.
Mondoñedo é Poesía
O martes terá lugar a quinta edición da actividade cultural Mondoñedo é Poesía 2018, que convoca a numerosos autores e autoras (escritores, músicos, debuxantes, libreiros, críticos …) que en diferentes prazas e espazos culturais da cidade de Mondoñedo ofrecerán as súas creacións.
Os horarios son os seguintes: Ás 17:00h.: Praza do Seminario. 17:30h. Praza da Catedral e 18:00h. Praza Jaime Cabot.
Intervirán: Félix Villares, Miguel Lustres, CEIP Álvaro Cunqueiro, Rondalla O Pallarego, Chema Merino, Carmen Pavón Souto, Iria Rivas, Moncho Bouzas, Jaime Fernández, Belén Senín, Iris Carro, X. Ramón Sánchez, Carme Cociña e Javier F. Rouco.
Posteriormente de 18:30horas a 20.00horas, celebrarase o recital poético “Mondoñedo é poesía”, no Auditorio Municipal “Pascual Veiga” co participación dos poetas Olga Novo, Ugía Pedreira, Lorena Souto, Chus Pato e Juan Carlos Mestre, con música de Miguel Lustres e Rebeca Maseda e videopoemas de Eduardo Estévez e Ignacio Castro “Nachok”. Presentará o acto Marina Oural Villapol.
Este ano, dende a organización desta actividade literaria e para celebrar a súa quinta edición, presentarase un libro con datos biográficos e poemas dos 91 poetas que interviron desde o inicio deste recital poético musical no 2014. A portada do libro é obra de Xosé Vizoso e no interior conta con ilustracións de Bernardino Vidarte, Alicia Puchades, Ernesto González Tortarelo, Caxigueiro, Ignacio Castro “Nachok” e Anton Caxoto.
De igual xeito e con ese afán de que as As Quendas conten cun destacado programa cultural e literario, tal e como evoca a propia cidade de Mondoñedo, con gran protagonismo na lingua e literatura galegas, todos os días tamén estará exposto un Tendal de Poesía, é dicir, unha instalación de traballos con poemas dos alumnos/as dos centros escolares de primaria e secundaria da localidade, que se poderán visitar en horario 18.30 a 21.30 horas, no Auditorio Pascual Veiga
Gastronomía
O domingo, luns e martes, os visitantes poderán degustar de balde na Alameda dos Remedios carne de Poldro Galego, servida por xentileza do Bar Pulpería O Bigotes e Puraga, entre as 13.00 e as 14.00 horas e as 20.30 e as 22.00 horas, con motivo da VII Edición das Xornadas Gastronómicas da Carne de Poldro Galego.
O día grande, o un de maio, é a XXXV Festa da Empanada, con tapas de empanada e de poldro nos bares e mesóns da cidade. Ademais, a partir das 11.30 horas, no Feiral diante da Alameda, será a V edición do Obradoiro de Amasado Artesán: elaboración, enfornado e cocido da empanada. Unha actividade aberta a todas as persoas interesadas en coñecer o proceso de elaboración do plan e a empanada e mercar dos dous produtos típicos da localidade.
Actuacións musicais
O sábado a música na Alameda virá da man das orquestras PK2 e La Fórmula; o domingo actuarán Palladium e Claxxon e o martes a orquestra Principal poñerá música a xornada grande de As Quendas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
