Lugo, 16 de abril de 2018. A Deputada de Benestar e Igualdade, Sonsoles López Izquierdo, acompañada da Presidenta e do Secretario da Asociación de Parkinson de Lugo (APALU), Rosa Mª Fariñas e Cayetano Burrieza, mantivo este martes un encontro con usuarios deste colectivo. Fíxoo para coñecer de primeira man o resultado das diferentes colaboracións que os Gobernos Provincial e Municipal manteñen con esta asociación e que permiten a atención profesional de 28 lucenses con Parkinson.
Deputación e Concello de Lugo colaboran con APALU coa cesión gratuíta do local que posúe o colectivo na capital lucense por parte do Concello de Lugo; cunha achega económica anual de máis de 4.000 euros que posibilitan o desenvolvemento por parte dos usuarios de APALU de clases estimulación cognitiva, logopedia e musicoterapia; así como a compra de material especializado como quebracabezas, cadernos, etc. Actualmente APALU conta no seu persoal cunha fisioterapeuta, unha logopeda e unha psicóloga.
López Izquierdo destacou que “con esta axuda, dende o Executivo Provincial, queremos que a progresión da enfermidade e a intensidade da mesma sexa moito máis baixa, pois as terapias de rehabilitación para as persoas con Parkinson son fundamentais para poder frear os síntomas e as molestias. Dende os Gobernos da Deputación e do Concello de Lugo traballamos da man con APALU, para que xuntos, melloremos a calidade de vida dunha trintena de lucenses con párkinson, dentro da nosa aposta conxunta e decidida por ser dúas institucións sumamente socias que traballan co tecido asociativo lucense para aumentar o benestar dos nosos veciños.”
O censo, unha vella demanda
“Aínda que se estiman en máis de 160.000 as persoas afectadas polo párkinson en España e máis de 2.000 na nosa provincia, non existen cifras concretas, o que supón a limitación na execución de políticas eficaces acordes aos perfís dos afectados. Por iso, é fundamental que o Goberno Central e a Xunta de Galicia, coas competencias directas en materia de saúde, creen un censo de persoas con párkinson, e deste xeito se protexan os dereitos de todas estas familias que o único que solicitan é contar coas mesmas oportunidades. Non pode ser que a segunda enfermidade que máis casos posúe despois do alzheimer non conte con datos oficiais” apuntou a Deputada de Benestar.
O Parkinson é unha enfermidade neurodexenerativa, de progresión lenta, cuxos principais síntomas son tremor, lentitude nos movementos, inestabilidade postural e rixidez dos músculos. É unha doenza crónica e progresiva das estruturas cerebrais encargadas da coordinación do movemento, o equilibrio, o mantemento do ton muscular e a postura. Na actualidade se descoñecen as causas que motivan a aparición da enfermidade do Parkinson e como consecuencia a súa cura, pero según a Sociedade Española de Neuroloxía estímase que se duplicará o número de afectados por Parkinson en 20 anos, e para o 2050 se triplicará.
10 anos atendendo a lucenses con Parkinson
APALU leva dende o ano 2008 mellorando o benestar e a calidade de vida dos veciños da provincia afectados polo párkinson e as súas familias. Esta entidade sen ánimo de lucro, que conta a día de hoxe con 140 socios, ofrece atención integral e interdisciplinar, información e tratamentos relacionados coa doenza, asesoramento médico, psicolóxico e legal, concienciar da necesidade dun diagnóstico correcto dende o principio, fomentar a relación social entre pacientes, así como defender os intereses dos enfermos e sensibilizar á sociedade sobre a problemática desta enfermidade.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
