A Mariña, 6 de abril 2018. Concelleiros do BNG de Xove, Cervo e Burela denunciaron hoxe a falta de pediatras nos centros de saúde destas tres localidades e anunciaron medidas para demandar solucións por parte da Xunta de Galiza. Os nacionalistas critican que o SERGAS non cubra as baixas e as vacacións do persoal médico, deixando a unha única pediatra cos pacientes que normalmente son atendidos por tres facultativos. Unha das dúas pediatras do Centro de Saúde de Burela está de baixa desde hai xa varias semanas, sendo substituída parcialmente por outro facultativo que ven de Lugo dous días á semana, quedando a outra pediatra ao cargo duns 1.300 nenos e nenas que ten asignados o centro durante os 3 días restantes.
Por se fose pouco, a isto xúntase que a pediatra que atende os centros de saúde de Xove e San Cibrao se atopa de vacacións sen que tampouco sexa substituída por outro facultativo, sendo derivados os seus pacientes a Burela.
O portavoz municipal do BNG en Burela, Mario Pillado, sinalou que “a día de hoxe, atopámonos con que unha única pediatra de Burela ten que prestar atención a uns 2.000 nenos e nenas de Xove, Cervo e Burela, co que isto supón para pacientes e profesionais”. Pillado, afirmou que “a situación na que se atopa a pediatría nos nosos centros de saúde é moi preocupante e debe solucionarse de inmediato, pois estamos falando da saúde dos nosos nenos e nenas”.
Carlos Fernández Louzao, concelleiro do BNG en Xove, lamenta que “os nenos e nenas do noso concello se teñan que desprazar a Burela para poder ser atendidos por un pediatra” e critica que a Xunta teña “tan descoidada a atención primaria, a máis próxima aos pacientes e á que se lle debera prestar máis atención e destinar máis recursos”.
Pola súa banda o edil do BNG en Cervo, Ibán Sánchez, sinalou as dificultades que teñen as nais e pais para concertar unha cita previa, “pois ao non ter pediatra no seu propio centro de saúde, o sistema non permite solicitar cita telefonicamente nin telematicamente, tendo que desprazarse a Burela e solicitar a cita presencialmente para despois ter que agardar a seren atendidos á hora concedida”.
Lamentablemente, esta situación non é nova, pois vense producindo con certa periodicidade nos últimos anos, como xa ten denunciado o BNG noutras ocasións. Desde a formación nacionalista anuncian que estudan presentar mocións nos concellos afectados, así como iniciativas no Parlamento Galego para instar á Xunta de Galiza a cubrir as prazas de pediatría nos centros de saúde de Xove, San Cibrao e Burela.
Esta precaria situación non é nova na Mariña
Para o BNG, esta situación repítese con demasiada frecuencia en moitos concellos da comarca, e ten que ver coa ofensiva que o PP vén perpetrando contra a Sanidade Pública e especialmente coa Atención Primaria na Mariña e o Servizo de Pediatría.
Os nacionalistas recordaron tamén o caso de Alfoz-Valadouro, que xa hai anos que perdeu o servizo, e que nais e pais siguen reclamando, servizo que de momento non se recuperou pese a que nos dous concellos se aprobaron por unanimidade de todos os grupos mocións para instar á Xunta á súa recuperación.
Esta medida afecta ao tramo comprendido entre a antiga Conserveira e o Pósito, co obxectivo de garantir a seguridade viaria e facilitar a circulación, xa que durante este período o vial quedará habilitado en dobre sentido de circulación. A Policía Local agradece a colaboración cidadá e lembra que, para máis información, poden contactar no teléfono 982 562 922.
A actividade, organizada en colaboración co Concello de Cervo, permitiu ao alumnado achegarse por primeira vez ao mergullo deportivo, combinando formación teórica e práctica nun entorno seguro e controlado. A segunda parte da xornada, prevista na Praia da Caosa, tivo que ser adiada debido ao mal estado do mar, pero buscarase unha nova data para completar esta experiencia única en contacto co medio natural. A alcaldesa Dolores García Caramés destacou "a importancia de ofrecer oportunidades educativas que promovan hábitos saudables e poñan en valor o noso entorno".
Os usuarios da piscina poderán acceder á instalación por Lavandeiras, pola Escola de Idiomas. Para chegar, poden tomar a estrada LU-862 e baixar pola rúa Lavandeiras, onde se atopa a gasolineira de Celeiro.
Tanto o Folgueiro League coma o Folgueiro League Baby desputaranse os días 12 e 13 de xullo.
A sala quedou pequena na tarde do mércores 18 de xuño para acoller a presentación do libro "Escultor y proyectista José Otero Gorrita. Entre Santiago de Compostela y Viveiro", obra de José Luis Otero González. O acto reuniu un numeroso público interesado en coñecer a figura e traxectoria deste artista fundamental na historia da escultura galega. A presentación contou coa intervención do autor, que afondou na vida e obra do seu avó José Otero Gorrita, así como coa participación de Felipe-Senén López Gómez, Francisco Javier Martínez Prieto e José Veiga Golpe quen destacaron o valor documental e artístico do traballo presentado. O ambiente foi de grande interese nun acto que serviu tamén para reivindicar a memoria do historiador de Viveiro Carlos Adrán Goás.
Xebra fecha o curso por todo o alto, con Séchu Sende presentando este sábado, 21 de xuño, ás 20 horas 'O povo improvisador', re-editado por Através Editora. Conducirá o acto o investigador Xian Naia. A atividade chega a Burela cunha festa itinerante, o Regueifatour que aterra no local de Xebra cun espetáculo de improvisación oral.
O encontro está organizado polo motoclub A Cadeira, de recente creación. Unha das citas máis esperadas será a exhibición acrobática do piloto profesional Emilio Zamora, que terá lugar a partir das 19.30 horas do sábado no parque de San Roque. Tamén se ofrece un simulador de pilotaxe de moto GP, música en directo ou unha ruta turística o domingo pola mañá. Habilitarase ademais unha zona de acampada exterior e interior.
