O PP de Burela: “escudarse nos funcionarios, como o fai a Sra. Otero, é indecente e inmoral”

Burela, 18 de abril de 2018.- O Grupo Municipal Popular (GMP) burelés manifesta que “escudarse nos funcionarios municipais para xustificar a entrega de documentación, como o fai a Sra. Otero, é unha inmoralidade e unha indecencia”, sobre todo, indican, “tendo en conta a teórica formación académica desta señora”.
Estas manifestacións dos populares veñen dadas polas xustificacións dadas pola concelleira de Servicios Sociais, a raíz da demanda por escrito feita polo Grupo Municipal do PP da súa nómina do pasado mes de marzo logo de que a edil afirmara que secundaría a folga do 8 do mes pasado. “A petición do PP foi formulada hai xa vinte días”, precisan,
Para os populares, “a Sra. Otero debería gardar máis as formas, as comunicacións verbais, en asuntos de nóminas e menos para que a alguén lle detraigan contías na propia, non son as máis correctas. Moito mellor facelo por escrito”; o que demostra, afirman, “a actitude chulesca e prepotente coa que actúa a edil”.
Por outra banda, amósanse sorprendidos polas manifestacións da concelleira, indicando que “parece mentira que descoñeza a Lei de Protección de Datos, sobre todo, porque pola súa formación debería telo resolto en menos de cinco minutos e, polo tanto, indicarlle ao departamento de Persoal cómo facelo. Pero si a Sra. Otero non sabe cómo darnos copia da súa nómina respectando a Lei, dicímoslle nós cómo facelo: chéganos conque na mesma veña a entidade pagadora, o nome da Sra. Otero, o mes e o ano, os conceptos polos que cobra e as contías que lle corresponden a cada un, e os conceptos e contías que se lle detraen. Así de simple”, manifestan, ao tempo que suxiren que o que lle interesa á sociaista é “alargar este asunto, pero canto antes nos traslade a documentación, moito mellor porque hai vinte días que solicitamos a documentación, tempo máis que suficiente para que a Sra. Otero se lese a Lei de Protección de Datos”, subraian.
Memoria Plan Igualdade 2015-2017
Noutra orde de asuntos, dende o PP aseguran que “ou a Sra. Otero pensa que somos parvos, ou a Sra. Otero non ten nin idea de cómo se fai un Plan de Igualdade. Virnos dicindo que está moi apurada co novo plan e que cando remate verá o asunto da memoria significa que está empezando a casa polo tellado, porque o proceso é á inversa”.

En todo caso, os populares reafírmanse “en que queda claro que a vagancia preside o seu código deontolóxico de traballo, dado que mes e medio despois de terlle solicitado o documento só é capaz de contestarnos con mentiras sobre este asunto; o que demostra que nada fixo sobre a vivenda de acollida ou o punto de encontro. Triste balance da concelleira delegada de Servicios Sociales, que non soporta a proba do algodón coas súas antecesoras”, conclúen.