O PP de Burela: “o estado do lavadoiro da Vila do Medio demostra que o alcalde non atende as cousas do día a día”

Burela, 20 de abril de 2018. O Grupo Municipal Popular (GMP) burelés asegura que “o alcalde e os concelleiros socialistas non atenden o día a día da vida municipal, xa que están máis pendentes das fotos e das festas que de resolver aquelas cuestións que se plantexan na vida diaria”.
Os populares afirman que “desta vez, vemos cómo un emblema da Vila do Medio, un dos barrios senlleiros de Burela, en concreto o lavadoiro, está cheo de terra, lixo e demais depósitos que o fan impresentable. Xa sabemos que agora non se empregan os lavadoiros públicos pero, neste caso, non estaría de máis que o alcalde ou os seus concelleiros de Obras e de Medio Ambiente se pasaran por alí, para que comprobaran o cochambroso que se atopa”, indican.
Desde o Grupo Municipal apuntan que, “para esta foto, non é preciso meterse debaixo dos coches, como diría o rexedor socialista, xa que calquera persoa que pase por alí, e non son poucas, pode comprobar o que dicimos. Pedímoslle ao Sr. Llano celeridade para resolver estas situacións, sobre todo, estas que demostran que non levan así nin un día nin dous”.