Os gañadores da XV Ruta das tapas de Foz foron Bar 78, Anduriña e o Lar de Bustos. O Centro Comercial Aberto agradece o esforzo a todos os locais participantes

Foz, 2 de abril de 2018. Os gañadores da XV Ruta das Tapas de Foz, elixidos polo xurado desta cita gastronómica, foron Bar 78, cafetería pastelería Anduriña e O Lar de Bustos. E a través do facebook do Centro Comercial Aberto de Foz a tapa que reuniu máis votos como a mellor presentada foi a do Bar 78.
Desde Acia/CCA de Foz agradecen a participación e o esforzo a todos os locais que se deron cita nesta XV Ruta das Tapas, así como a todos os ruteiros e votantes.
A hamburguesa de mar con ali oli de allo negro e esferificacións de lima limón con chips patata vitelotte do Bar 78 é a primeira premiada polo xurado e tamén a elixida polo público como a tapa mellor presentada na XV Ruta das Tapas, que se celebrou do 29 ao 31 de marzo en 15 locais hostaleiros focenses.
A festa de sabores con notas de café, froitos do bosque e castañas de Anduriña é a segunda clasificada e a sardiña estilo Bustos de O Lar de Bustos a terceira tapa premiada.
Os agasallos aos locais gañadores serán entregados nuns días.
Ruta dos viños
Tamén hoxe recibiu o seu agasallo a unha das agraciadas no sorteo celebrado o pasado luns, 26 de marzo, e correspondente á Ruta dos Viños, que se celebrou en Foz nas últimas semanas.
As afortunadas foron Mari Carmen Couto, que disfrutará dunha cea para 5 persoas no Leytón; e Mª Jesús López, que obtivo 3 vales de 20 euros cada un para consumir en Anduriña, Express e Mayros.
Hoxe recolleu o seu premio Mari Carmen Couto. Os encargados de entregarllo foron Mari Trigo e Moncho Río. Os sorteos e as entregas de premios da Ruta dos Viños tiveron lugar en Radio Foz.