Viveiro, 18 de abril de 2018. A Vicesecretaria Xeral de Relacións Institucionais da Executiva Provincial Socialista na Provincia de Lugo e Alcaldesa do PSOE en Viveiro, María Loureiro García, salientou este mércores que “Balseiro dedícase a pasear pola provincia, vendendo obras que executamos os Concellos con fondos da Unión Europea, que por lei corresponden a todos os veciños pola instalación de parques eólicos nos municipios. A Xunta de Galicia, como administración autonómica galega, limítase a facer chegar estes fondos comunitarios xa distribuídos aos Concellos, porque esta é a súa obriga, sendo unha mera intermediaria. O Delegado Territorial debería dunha vez por todas atender as necesidades dos veciños da nosa provincia, traendo investimentos públicos da Xunta aos Concellos lucenses, que por suposto tamén corresponden aos veciños desta provincia, en vez de, unicamente, preocuparse dos focos e de saír en cantas máis fotos mellor”. Nesta ligazón, pódese constatar a distribución dos fondos da Unión Europea do chamado Fondo de Compensación Ambiental, que publicou o DOG do 20 de xaneiro de 2017 (https://www.xunta.gal/dog/Publicados/2017/20170120/AnuncioG0244-130117-0006_es.html).
Loureiro García fixo referencia á visita de Balseiro este mércores a Celeiro para “supervisar” as obras que o Concello levou a cabo con fondos comunitarios polo canon eólico nun treito da Rúa Grande da que é a parroquia máis grande do municipio, pois conta con 2.000 habitantes. Están dotadas de 96.000 euros que concedeu a Unión Europea pola instalación en Viveiro duns 50 arexeradores.
Como mostra da “discriminación” e da “negativa do Partido Popular a achegar fondos públicos da Xunta de Galicia ao Concello de Viveiro para atender as necesidades dos veciños”, Loureiro García apuntou que “o Goberno galego do PP opúxose a financiar actuacións como a rehabilitación das rúas Rego das Frores, Alonso Pérez ou Jesús Noia. Fomos os socialistas, dende a Deputación de Lugo, os que respondemos a esta necesidade veciñal, asumindo estes traballos con 60.000 euros”.
Dous modelos confrontados
Loureiro García explicou que “existen dous modelos de cooperación cos Concellos: o partidista da Xunta de Galicia, que colabora cuns poucos municipios, na súa maioría, gobernados polo PP; fronte ao modelo da Deputación de Lugo, presidida polo socialista Darío Campos Conde, que colabora con absolutamente todos os municipios da provincia, atendendo por igual aos máis de 300.000 veciños desta provincia con cada unha das iniciativas e programacións que pon en marcha con fondos públicos que, como os da Xunta de Galicia, corresponden por igual a todos os cidadáns”.
Investimentos en Celeiro
“O que debería facer a Xunta de Galicia en Celeiro é traer investimentos reais, como así o facemos os socialistas dende a Deputación. Nesta parroquia, o Executivo Provincial do PSOE achegou outros 180.000 euros á mellora integral da rúa Rego da Fonte, unha das estradas máis importantes desta parroquia, pola que transitan diariamente grande cantidade veciños”, apuntou
Estes traballos que os socialistas levaron a Celeiro traballos consisten no cambio do sistema de saneamento e do pavimento, así como na humanización da travesía, con actuacións como a plantación de árbores ou a ampliación das beirarrúas. Estanse a renovar as tubaxes de todo o sistema de saneamento que, debido á súa antigüidade, se rompían e producían cortes de auga e tamén asolagamentos. Deste xeito, o PSOE dende a Deputación e o Concello de Viveiro responden a unha demanda histórica do veciños da zona, dotando á parroquia de Celeiro dun rúa totalmente renovada.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
