RadioVoz A Mariña comeza este mércores un espazo semanal dedicado á importancia da alimentación para a saúde con Olga Yanes Marqués, graduada en nutrición e dietética e xerente do centro Manduca, de Ribadeo

RadioVoz A Mariña (102,3 FM desde Ribadeo e 88,5 FM desde Viveiro) ofrecerá a partir de este mércores, día 4 de abril, un espazo semanal dedicado á importancia da alimentación para a saúde. Correrá a cargo de Olga Yanes Marqués, graduada en Nutrición e Dietética pola Universidade de Santiago de Compostela e xerente do Centro Manduca, de Ribadeo. Será un novo espazo en Voces da Mariña, o programa de actualidade local e comarcal que se emite de luns a venres de once a doce da mañá e que presentan Félix Jorquera e María José Fernández Azpeitia.