Cervo, 21 de abril de 2018.- O alcalde de Cervo e Vicepresidente da Fegamp, Alfonso Villares, participou nunha xornada de estudo sobre a nova Lei de Protección e Benestar de compañía de Galicia que tivo lugar no salón de actos da Facultade de Dereito da Universidade da Coruña.
Os presentes reflexionaron desde unha perspectiva interdisciplinar sobre o contido e alcance da norma que entrou en vigor a comezos deste ano e que lle outorga aos Concellos novas responsabilidades nesta materia.
Villares apuntou que se trata dunha lei actualizada, integradora e moi necesaria, que vai en consonancia coa evolución da sensibilidade social; e que, a través de medidas disuasorias como o endurecemento das sancións, ou facilitando a adopción de animais en centros de recollida e a súa acollida temporal, entre outras medidas, tenta salvagardar os dereitos dos animais e poñer coto a unha realidade que persiste a día de hoxe: o abandono e o maltrato animal.
Na súa intervención, o rexedor tamén fixo fincapé en que a maioría do Concellos carecen de medios técnicos e económicos para facer fronte de xeito individualizado ás novas competencias que lles atribúe a Lei, pasando a ser os responsables de recoller aos animais domésticos vagabundos ou extraviados que deambulen polo termo municipal; e deberán esterilizalos se é preciso, e darlles acubillo nos centros de recollida autorizados ata que sexan retirados polos seus propietarios, acollidos temporalmente ou adoptados.
A necesidade da Lei é incuestionable, -engadiu- “agora trátase de buscar, pois, a fórmula para poder aplicala con solvencia e baixo criterios de eficiencia”.
Para Villares teñen que ser as Deputacións Provinciais, que aglutinan a todas as entidades locais, os organismos que se encarguen de xestionar e coordinar con fondos propios un servizo de recollida de animais abandonados.
O alcalde de Cervo, xa plantexara esta cuestión á Deputación de Lugo por medio dun escrito en novembro de 2015. “Se xa daquela era unha cuestión evidente; a día de hoxe penso que é unha responsabilidade case ineludible”, sentenciou.
O Vicepresidente da Fegamp recordou, así mesmo, que outra das problemáticas coa que nos atopamos os Concello é a falta de inclusión dos animais no Rexistro Galego de Identificación de Animais de Compañía que facilitaría que un animal extraviado puidese ser devolto ao seu dono que sería o encargado dos custos derivados do rescate e esterilización.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
