Lugo, 18 de maio de 2018.- Na comarca da Mariña rexistráronse un total de 575 vivendas de uso turístico dende a entrada en vigor, hai un ano, do decreto que regula esta modalidade de alugueiro. Esta cifra supón o 83,6 por cento das declaradas en toda a provincia (687).
O delegado territorial da Xunta en Lugo, José Manuel Balseiro, subliñou que a normativa funcionou dun xeito satisfactorio e acadou os seus obxectivos ao ofrecer un marco de seguridade xurídica para os interesados en comercializar estes servizos e para os usuarios e a sociedade en xeral, axudando a garantir a calidade e controlar a competencia desleal, harmonizando ademais usos e actividades.
Por concellos destacan os de Barreiros e Foz, que figuran entre os que contan con maior número de vivendas de uso turístico rexistradas en Galicia, xunto con outros como Sanxenxo, Santiago de Compostela, O Grove, A Coruña, Vigo, Poio, Cangas, Carnota, Fisterra e Bueu.
A continuación sitúanse Viveiro ou Ribadeo, que superan o medio centenar de vivendas rexistradas (ver táboa).
A boa marcha deste decreto autonómico, no que se materializa o traballo do Goberno galego neste eido nos últimos anos, radica na súa sinxela aplicación e no feito de que foi deseñado en diálogo co sector e tendo en conta tanto o interese xeral como o marco comunitario.
Inspección e colaboración
Tras un primeiro ano destinado a regularizar a nova situación, este aloxamento incorpórase ao Plan de inspección turística de Galicia co fin de seguir avanzando na súa aplicación. Para levar a cabo este labor, o Goberno galego busca a colaboración dos concellos e do Goberno central, polas súas competencias neste eido, e das plataformas online de comercialización.
Cómpre lembrar que o alugueiro vacacional conta en Galicia con tres tipos de aloxamento: apartamentos turísticos, vivendas turísticas e vivendas de uso turístico. As dúas primeiras estaban xa reguladas con anterioridade a este decreto. A principal novidade foi a ordenación das vivendas de uso turístico, aquelas cedidas a terceiras persoas, dunha forma reiterada e a cambio de contraprestación económica, para estadías de curta duración, amobladas e equipadas en condicións de inmediata dispoñibilidade, entre outras características.
Para poder comercializar, polo menos en dúas ocasións ao longo do ano, estas vivendas deben estar inscritas no Rexistro de Empresas e Actividades Turísticas (REAT), para o que se debe presentar unha declaración responsable.
CONCELLO Nº VIVENDAS
A Pontenova 1
Barreiros 188
Burela 24
Cervo 13
Foz 174
Lourenzá 7
Mondoñedo 12
O Valadouro 1
O Vicedo 24
Ribadeo 57
Trabada 4
Viveiro 63
Xove 7
TOTAL 575
O luns 30 de marzo ás 18:00 horas darán comezo as visitas guiadas polo casco histórico de Viveiro, conducidas polo historiador Xesús Martínez e organizadas polo CCHV coa colaboración da Xunta de Cofradías da Semana Santa. Antes da primeira visita, ás 17:30 horas, realizarase unha breve presentación na Praza Maior, diante da porta do Concello. No acto participarán José Veiga, en representación da Xunta de Cofradías, Cristina Rodríguez, presidenta do CCHV, e o propio Xesús Martínez.
O alcalde, Pedro Fernández, salientou o seu impacto turístico e deportivo. A edición inclúe un atractivo especial: a Concentración da Selección Española OPEN, que adestrará en Tapia do 1 ao 6 de abril. O Goanna Pro é a segunda proba da Liga PRO, garantindo un nivel competitivo máximo. Datas: Semana Santa 2026. Lugar: Praia de Anguileiro. Destacado: Concentración da Selección Española (1–6 abril).
O delegado destacou a consolidación do evento como referente cultural na Terra Chá. O festival contará con Caamaño & Ameixeiras, Ulex e La Txama, ademais de actividades lúdicas. A cita será no campo da feira de Gontán, con entrada gratuíta.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
