Ribadeo, 21 de maio de 2018. O xurado profesional composto por Yayo Daporta, Gonzalo Pañeda, Marcos Santamaría e Nicolás Asensio fallou que a tapa gañadora do XIII Ribadeo de Tapeo fose a de AG Porcillán, o 2º premio foi para Texturas Galegas e o 3º para El Oviedo. O premio Tapa de Ribadeo foi para Parador de Turismo e recibiu unha mención especial o restaurante Marinero. O xurado asegurou que a decisión foi difícil e que o concurso estivo moi reñido. Pola súa banda, a concelleira de Turismo e Comercio, Ana Martínez, subliñou que arredor dr 45.000 tapas foron vendidas nos 44 locais participantes desde o 11 ao 20 de maio.
Dos 21 inscritos para participar nesta sección oficial do concurso finalmente os que presentaron as súas tapas a concurso foron 15: La Villa, Texturas Galegas, A Tapería, La Solana, O Piano, Parador de Ribadeo, El Oviedo, A Mirandilla, Marinero, Bar Galicia, Fumarel, Dolce Cattedrale, Cayococo, Amodiño e AG Porcillán. Moitos dos cociñeiros e propietarios destes locais coñeceron en directo o veredicto do xurado e ao final do acto inmortalizaron o momento nunha foto.
O concurso celebrouse no hotel restaurante Voar, de Ribadeo. E o xurado estivo composto por por Gonzalo Pañeda, un dos grandes da cociña asturiana e responsable dun dos mellores restaurantes de Xixón, Agua, que conta cunha estrela Michelín e é recoñecido con dous soles da Guía Repsol; por Yayo Daporta, membro do Grupo Nove, chef do seu restaurante Yayo Daporta que leva xunto á súa irmá Esther Daporta, conta cunha estrela Michelín e dous soles da Guía Repsol, en 2014 presentou xunto a Susi Díaz e Alberto Chicote o programa de televisión Top Chef; e completan este xurado Marcos Santamaría, profesor de hostalaría no IES de Foz; e Nicolás Asensio, director do IES de Foz.
Desculpou a súa ausencia por motivos de saúde a cociñeira Lucía Freitas, membro do Grupo Nove, seleccionada no 2016 como a segunda mellor cociñeira do ano en Alimentaria, arestora é a chef do restaurante A Tafona en Santiago de Compostela.
Na súa intervención Ana Martínez dixo: “grazas a todos os que participastes porque sen vos realmente non hai Ribadeo de Tapeo. Foron un total de 44 establecementos os que estiveron dentro do concurso. Iso deu lugar a que durante os dez días do Ribadeo de Tapeo se servisen preto de 45.000 tapas. Creo que é un número bastante importante, moi considerable, e iso supón que o Ribadeo de Tapeo está consolidado e ademais que a xente se achega a Ribadeo para vir degustar o voso traballo. Creo que os números e o traballo son un éxito. Os premios ao fin e ao cabo son o recoñecemento do traballo para todos e para todas pois tedes ese recoñecemento especial por parte do xurado que está hoxe aquí e desde logo tamén desde o Concello de Ribadeo”.
A concelleira de Desenvolvemento Local, Turismo e Comercio tamén tivo palabras de agradecemento para o xurado profesional: “quero darlle as grazas ao xurado profesional que nos acompaña hoxe, pois fixeron un esforzo importante por estar aquí: Yayo Daporta, que é o chef do restaurante Yayo Daporta, que vén desde Cambados e ten unha estrela Michelín e dous soles da Guía Repsol; temos tamén, neste caso do lado asturiano porque aquí xogamos ás dúas bandas, estamos no centro e co corazón dividido, a Gonzalo Pañeda, que é o chef do restaurante Agua, de Gijón, tamén estrela Michelín e dous soles Repsol; moi importante na hostalería é contar coa formación e por iso temos hoxe aquí a profesionais da Escola de Hostalería do IES de Foz, como son Marcos Santamaría, que é profesor de Servizos, e ao director do IES, Nicolás Asensio. Falta hoxe neste xurado Lucía Freitas, que esta mañá chamou para que a desculpáramos porque por unha cuestión de saúde non podía estar aquí”.
E o cociñeiro Yayo Daporta explicou que “hubo unas cuantas tapas que estuvieron a un nivel muy parejo y al final son pequeños detalles los que determinan cual es el ganador. Pero en general el nivel de la participación creo que fue muy bueno y queremos animaros a todos para que el próximo año sigáis así y en vez de 45.000 sean 70.000 o 80.000 las tapas vendidas”.
Pendente queda de coñecerse a valoración do público que elixirá a mellor barra e tamén a mellor tapa. Xa o 2 de xuño, nun acto que terá lugar no Teatro, será a entrega de premios.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
