Ribadeo 4-5-18. O alumnado da materia de EUROPA do IES RIBADEO DIONISIO GAMALLO acadou o 2º posto en Galicia na XXIV edición do concurso EUROSCOLA, centrado neste 2018 na celebración do Ano Europeo do Patrimonio Cultural.
O Concurso EUROSCOLA é unha iniciativa da Oficina do Parlamento Europeo en España coa colaboración da Representación da Comisión Europea en España e a Secretaría de Estado para a UE (Ministerio de Asuntos Exteriores e Cooperación). Mediante este concurso se selecciona aos 15 centros españois que participarán (1 por cada comunidade), durante o curso 2018-2019, no Programa EUROSCOLA do Parlamento Europeo en Estrasburgo (Francia).
O obxectivo desta convocatoria era reflexionar cos xoves sobre o que significa e representa o patrimonio cultural europeo. Un patrimonio cultural que une a Europa a través da súa historia e os seus valores comúns e que axuda a entendermos e representa a riqueza e a diversidade dos nosos pobos.
O equipo de traballo para este proxecto está composto por: Carla Díaz Leiras, Clara García Pulpeiro, Alberto González Díaz, Eva Iglesias López, Clara Meijide García e Noa Valea Acevedo. A materia de EUROPA, impartida polo profesor de Filosofía J. Manuel Yáñez Dablanca, é una materia optativa de libre configuración para 1º de bacharelato e de oferta exclusiva do Centro.
O seu traballo consistiu en elaborar un vídeo, cunha duración máxima dun minuto e trinta segundos cuxa temática trate algún dos obxectivos do Ano Europeo do Patrimonio Cultural; cada equipo debeu, ademais, realizar un vídeo de “making of”. O equipo do IES Ribadeo ten unha conta en twiter, @cosmopolitas1, onde dinamizan os contidos, e os vídeos poden atoparse en youtube, en vimeo e na propia páxina do centro.
No presente curso o alumnado participou tamén no Modelo de Parlamento Europeo, un programa educativo promovido pola Fundación San Patricio, cuxo obxectivo é fomentar nos xoves a conciencia de cidadanía europea e a cultura de debate parlamentario construtivo, e onde os estudantes teñen a oportunidade de investigar sobre diferentes temas de actualidade europea, dar a súa opinión, presentar propostas, e chegar a ser parlamentarios por uns días, a nivel nacional e europeo. Elaboraron tamén traballos e contidos para o proxecto esdelibro, para estudiantes.elpais.com, e o vindeiro luns 7 de maio participarán nunha actividade de educación política europea xunto co alumnado de 4º de educación secundaria do Centro (que foi seleccionado para o programa ERASMUS+ de intercambio co centro alemán Karl von Frisch Gymnasium de Dusslingen) e que nos levará ata o Parlamento de Galicia, desde onde daremos os nosos primeiros pasos sociais e políticos para coñecer a realidade da Unión Europea e o papel que cada un de nos deberá xogar para conseguir un futuro positivo e en progreso. Esta actividade levámola a cabo entre varias adicadas ao DÍA DE EUROPA (9 de maio).
Con esta actitude e desde esta perspectiva queremos situar ao noso centro e ao noso alumnado nunha posición de apertura á realidade social e política que nos vai tocar vivir, e contribuír así a un futuro en común.
Alumnado do IES Ribadeo Dionisio Gamallo consigue o 2º posto en Galicia na XXIV edición do concurso Euroscola
Relacionado
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
