Foz 12-06-2018.- Cando as obras se executan sen a planificación idónea, sen actuar integralmente en toda a rúa cando se debe, sen visión de futuro e remodelando unicamente a estética da parte superior e non o que esta soterrado, pasa o que pasa, como estamos a ver na recentemente remodelada Avenida da Mariña, onde diferentes fugas, en distintos puntos, están obrigando a levantar o pavimento. – denuncian os socialistas de Foz.
A falta de previsión, unida á falta de criterio e á xordeira crónica da alcaldía, con respecto ás demandas da oposición de actuar nas canalizacións soterradas, provoca que esteamos diante dunha nova chapuza do alcalde, que obriga a facer agora o que se tiña que ter feito antes, reparar as fugas e cambiar as tubaxes, para o que é necesario levantar en varios puntos diferentes da rúa o formigón do pavimento, molestando de novo a comerciantes e veciños, multiplicando custes e provocando que se malgasten recursos de todos os veciños.
O tempo dá a razón ao PSOE, que sempre dixo que a única preocupación do alcalde nesa obra era acabala canto antes para poder inaugurala o máis rápido posible, sempre máis preocupado por quedar ben diante dos veciños e gañar votos, que polas consecuencias que vai carrexar o facer as cousas a medias no futuro próximo, parches, fochas, molestias e gastos.
Aínda non transcorreu nin un ano desde que se acabaron as obras e xa se está levantando a rúa, é o comentario máis escoitado entre a veciñanza de Foz, o que non é de estrañar ante a mala xestión do alcalde nesta obra. – rematan os socialistas
Numerosas fugas están obrigando a levantar o pavimento Avenida da Mariña molestando de novo a veciños e comerciantes da zona, denuncia o PSdeG-PSOE de Foz
Relacionado
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
