Burela, 18 de xullo de 2018. O alcalde, Alfredo Llano, viaxará mañá a Santiago para manter sendas xuntanzas con responsables do Consorcio da Igualdade e do Benestar e de Augas de Galicia. O rexedor, acompañado da concelleira de Servizos Sociais, Patricia Otero, plantexaralle ao Consorcio os problemas estruturais que está a sufrir o edificio da escola infantil para que os arranxen canto antes. Por outra banda, en Augas de Galicia interesarase pola marcha do proxecto da nova Edar.
Alfredo Llano explicou que “mañá, nos desprazaremos a Santiago xunto coa concelleira Patricia Otero, e imos falar alí cos responsables do Consorcio da Igualdade e do Benestar. Temos varios temas, pero un deles é un estrutural do edificio que agora mesmo xa empeza a ter unha serie de problemas na parte que corresponde á súa estrutura, a humidades e hai tamén problemas nas portas. Temos unha serie de deficiencias, que xa nos pasou a dirección do centro, que queremos ver. Ten que estar en garantía para que se subsanen o antes posible e darlle un repaso global ao edificio para que non siga deteriorándose antes de tempo. Desde logo ten que responder ao cumprimento de que é un edificio ben feito con todas as garantías e todos os servizos perfectamente en marcha”.
O alcalde engadiu: “tamén falaremos da comisión de seguimento que a ver si se desprazan a Burela para facer a correspondente análise e valoración do que se leva investido tanto por parte do Concello como por parte do Consorcio. Falaremos ademais do número de prazas e de todo aquilo que sexa bo para determinar como podemos facer para mellorar o servizo das escolas infantís en Burela”.
O rexedor contou que “nos achegaremos ata Augas de Galicia, xa quedei alí cos técnicos e cos responsables, para falar da Edar, para ver o grado de desenvolvemento do proxecto, de cómo vai avanzando e que nos digan de primeira man como teñen pensada a realización e así ir dando os pasos necesarios e suficientes para que se poida licitar esta obra o antes posible. Faremos esas dúas visitas, por un lado ao Consorcio e por outro a Augas de Galicia, sempre co propósito de traer as mellores noticias para Burela”.
O Alcalde de Burela reúnese este xoves, en Santiago, con responsables do Consorcio da Igualdade e do Benestar para abordar as deficiencias estruturais da escola infantil. O rexedor tamén estará en Augas de Galicia para informarse do proxecto da nova Edar
Relacionado
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
