Lourenzá 21, xullo, 2018. O Grupo Municipal Popular de Lourenzá critica publicamente o ton das respostas que a rexedora local lles ofreceu durante o último Pleno celebrado pola Corporación.
Os populares interpelaron ao Goberno local na sesión plenaria sobre as facturas da celebración da Comida da Muller, pois, segundo apuntan, “o recibo pagado inclúe 8 comidas e quixemos saber se só asistiron 8 persoas”. Sobre esta cuestión explican que a resposta da rexedora socialista foi inconcreta e pouco precisa. “O único que indicou foi que todo se fixo igual ca sempre”, critican.
Os edís do PP interesáronse sobre este asunto porque, “cando nós estabamos no Goberno, a factura emitíase pola cantidade total de comidas e non só polas correspondentes aos asistentes do Concello”. Neste senso, tamén lle preguntaron á alcaldesa pola inclusión do IVE na mesma “ou se, coma o ano pasado, non figuraba esta taxa”.
Limpeza de estradas provinciais
Os populares de Lourenzá tamén solicitaron ao goberno socialista que dese conta do procedemento de pago de 1.600 euros en concepto de “limpeza dunha cuneta”, correspondente a unha estrada de titularidade provincial. A este respecto quixeron coñecer dende o Grupo Municipal Popular “o punto quilométrico concreto”, pero non recibiron resposta. “A alcaldesa limitouse a indicar que o traballo realizado foi a limpeza de residuos sen concentrarse nun lugar en particular”, critican de novo.
Sobre esta actuación, o PP de Lourenzá considera que “o Concello debe reclamar ese custo á Deputación de Lugo”, polo que preguntaron por esa intención de cobro ao que a alcaldesa atallou dicindo que “non ía contestar máis”.
Dimisión dun concelleiro socialista
Ao respecto da dimisión do edil socialista que ata agora formaba parte do equipo de Goberno local, o Grupo Municipal Popular de Lourenzá fixo referencia á información recentemente publicada nos medios de comunicación coas declaracións dos socialistas aclarando as causas da mesma. É por iso polo que os populares lle preguntaron á alcaldesa “por que o mantiveron no cargo cobrando do Concello durante dous anos se era tan malo”, sobre todo, porque “fai un mes o defendían na prensa”.
A isto a rexedora asegurou que “contestará no vindeiro Pleno”; motivo polo que os populares pediron que dita resposta constase en acta, alegando que “nos parece normal cando se trata de aportar datos; pero neste caso, tratándose dunha opinión, xa podían respostar”.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
