Ribadeo, 18 de xullo de 2018. O Partido Popular de Ribadeo dille ao alcalde de Ribadeo en funcións, Vicente Castro, que o goberno municipal actúa como consecuencia das denuncias da oposición. O portavoz popular, Jesús López Penabad, critica que no barrio dos Galos hai unha estrada que se atopa en moi mal estado, a pesar dos arranxos feitos recentemente polo Concello.
López Penabad manifestou: “desde o PP sentímonos agradecidos cando sae o alcalde en funcións de Ribadeo, Vicente Castro, dicindo que nosoutros denunciamos cando se empezan os traballos. Eu creo que non é esa a orde, o que pasa realmente é que nosoutros de tantas veces denuncialo, porque levamos facéndoo desde o mes de maio e estamos a 18 de xullo, por fin se ve que se empeza a desbrozar, e queda moito quilometraxe, que é extenso. Pero hai que recordar que hai catro tractores agora desbrozando, un que puxera a Xunta no seu momento, outro do propio Concello e dous por outro convenio da Xunta. Con catro tractores poderíase desbrozar un pouco máis”.
O voceiro dos populares ribadenses engade que “é un traballo que debera estar feito, porque este ano foi un ano complicado. É certo que se desbroza e volve nacer a maleza, pero acusar á oposición de que denunciamos cando se empezan os traballos, despois do tempo que levamos dicíndoo, é un argumento bastante pobre. Nosoutros seguiremos denunciando pois o que queremos é que se fagan as cousas que son moi necesarias”.
O portavoz do PP no Concello de Ribadeo pide que “se fagan as cousas e que se fagan ben. Denunciamos nos Galos, ao lado da rotonda tan necesaria estes días para poder entrar en Rosalía de Castro, aínda que hoxe ábrese por fin a rúa San Roque, unhas fochancas enormes que había alí. Eu non sei realmente que fixeron porque botaron un pouco de gravilla e volve haber fochancas; se esa é a maneira de traballar deste equipo de goberno municipal deixa bastante que desexar. Vemos cada vez máis pasotismo e desgoberno. E agora saen a dicir que están facendo as cousas; realmente non era sen tempo”.
O PP di que o equipo de goberno de Ribadeo actúa tras as denuncias da oposición e nos Galos unha estrada arranxada recentemente segue en moi mal estado
Relacionado
-
Os socialistas de Vilalba destacan que “a boa xestión económica do concello” permite “manter o esforzo inversor e o elevado gasto social”
-
A Xunta licita por 540.000 € a subministración de reactivos e material funxible con destino aos laboratorios de anatomía patolóxica da área sanitaria de Lugo, A Mariña e Monforte
-
O Consello de Contas sitúa a Vilalba entre os concellos galegos cunha mellor xestión económica
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
