Burela, 3 de agosto de 2018. Burela ofrece unha intensa axenda de actividades para esta fin de semana coa celebración da Feira do Bonito, Produart e Amarte. O pregón da Feira correrá a cargo de Fernando Romay e nela serviranse mais de 4.000 racións de túnido á grella, cocido, en salpicón, en empanada e en marmitako. Desde o Concello agardan a presenza de arredor de 12.000 persoas durante estes días en Burela. O alcalde, Alfredo Llano, convida a veciños e visitantes a gozar de toda a programación prevista.
O rexedor burelés subliñou que “o principal é a Feira do Bonito que vai ter lugar o sábado e o domingo pola mañá. Vai estar complementada con outras actividades como Produart, que se vai inaugurar hoxe ás sete e media da tarde. Produart é un escaparate moi bo para ver e mercar produtos ecolóxicos e artesáns. Contamos cuns 50 stands con moitísimos produtos e artesanía, ademais de conferencias e obradoiros. Vai ser un atractivo moi bo que complementa perfectamente a Feira do Bonito”.
Alfredo Llano contou que “o bonito este ano vaise preparar á grella, cocido, en marmitako, en empanada e en salpicón. Imos ter 3.500 quilos que se van repartir nunhas 4.000 racións aproximadamente en bandexas con ese produto. Vai vir moita xente. Contamos que se acheguen entre 10.000 e 12.000 persoas porque hai moita xente pola comarca da Mariña, pero tamén hai moita xente interesada en vir a este tipo de feira, da provincia de Lugo, de Asturias e de diferentes lugares”.
O alcalde lembrou que “a nosa pretensión é que veña xente de moitos sitios porque pretendemos que esta feira sexa declarada de interese turístico nacional. Estamos dando os pasos para que isto sexa así a partir deste ano. Paralelamente á Feira do Bonito, xa empezaron onte a traballar no concurso Amarte, que é un certame de pintura mural internacional. O ano pasado comezara con des obras e este ano vai haber outras dez. É un atractivo moi visitado para ver esa arte no muro do porto”.
Llano convida a todo o mundo a vir participar, a compartir o bonito que temos en Burela e a Feira, que pasen por Produart, que vexan tamén os murais e que vaian ver o deporte do 3×3 de baloncesto. Tamén temos un ciclo de cine dedicado ao mar, con películas relacionadas co mar. Comezaron onte, estivo aquí Miguel de Lira, e van seguir todos estes días ata o domingo. Polo tanto a xente que veña a Burela non se vai aburrir, vai estar perfectamente atendida e vai ter unha diversidade extraordinaria para ocuparse durante toda esta fin de semana”.
O rexedor burelés engadiu que “esta Feira do Bonito non é soamente unha exposición de produtos gastronómicos, senón que pretendemos que se coñeza o noso concello e a nosa forma de pescar o túnido a través de métodos sostibles, respectuosos co medio e co produto, a forma de almacenar, de traelo aquí e darlle unha trazabilidade que garante que son bonitos do norte, pescados no litoral Cantábrico. Polo tanto tamén iso é unha forma extraordinaria de dar a coñecer o noso mar, os nosos mariñeiros e os nosos produtores, pero tamén de dar a coñecer o noso concello. Esperemos que isto sexa un motivo moi bo para que sexa visitado no futuro pola xente que veña estes días aquí”.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
