Ribadeo, 2 de agosto de 2018. Acisa Ribadeo organiza un ano máis a Noite Cálida que se celebrará o 9 de agosto. Haberá concertos na rúa, espectáculo de Os Bolechas para os máis pequenos e pequenas e os 28 comercios participantes ofrecerán interesantes descontos ata as dez da noite.
O programa de actividades dará comezo ás 20:00 horas coa saída de Os Bolechas do parque San Francisco que percorrerán as rúas peonís para diversión dos máis pequenos. Desde a directiva de Acisa subliñan que “esta actividade chega a Ribadeo grazas á colaboración da Xunta de Galicia. Substituímos así a entrega das tradicionais pulseiras flúor, por un espectáculo didáctico e divertido para os nenos e nenas”.
Durante a Noite Cálida en Ribadeo haberá diversas actuacións musicais que darán comezo ás 20:00 horas, na rúa Rosalía de Castro (esquina con Camilo Barcia Trelles) co grupo La Malquerida. Ás 20:30 horas, na rúa Ramón González actuará o Dúo Something, e ás 21:00 horas, na rúa Reinante estará o solista Miguel Alonso.
Estes intérpretes repetirán actuacións e ás 21:30 horas o grupo La Malquerida estará na Praza de San Roque; ás 22:00 horas o Dúo Something actuará nos soportais avenida de Galicia; e ás 22:30 horas, o solista Miguel Alonso estará na avenida de Asturias, na confluencia con San Francisco.
A Noite Cálida enmárcase nas actividades organizadas ao abeiro do convenio asinado co Concello de Ribadeo. Desde Acisa o seu presidente, Francisco Iriarte, anima “a aproveitar unha noite de verán para facer compras a prezos moi interesantes, para gozar das actuacións musicais ao aire libre e para achegarse á nosa hostalería a tomar algo, a cear… a pasar unha velada o máis agradable posible”.
Acisa Ribadeo anuncia que haberá importantes descontos e promocións especiais nos 28 comercios participantes, que terán abertas as súas portas ata as 22:00 horas. Estes serán: Sanjurjo, Esprit, Jatay, Coco, Bora Bora, Marcelota, Mistic, R23, Sweet Monkey, Farfala, Terra Branca, Ginzo Moda, Saia, Bimba, Bodegas Ribeirao, Opticalia, Platería Gutié, Naná, Bis a Bis, Ana Villamayor, Vizcaya, Tu&Tu, Glass, Anais, La Moda Hombre, Mika, Adele e Nina.
Acisa Ribadeo organiza unha nova edición da Noite Cálida. Será o vindeiro 9 de agosto. Haberá actuacións musicais e os 28 locais participantes estarán abertos ata as dez da noite
Relacionado
-
Mondoñedo acolleu este sábado a XII Xornada Anual da SOGAMP, centrada nos retos da medicina preventiva
-
A Xunta impulsa en Ribadeo a celebración do foro ‘España Verde: un destino de calidade’ para reforzar a oferta turística da Mariña
-
Barreiros será sede do curso “Emprender no sector turístico na Mariña Lucense” do 6 ao 9 de xullo
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
