Viveiro, 27 de setembro de 2018. A Alcaldesa, María Loureiro, anunciou hoxe a creación en Viveiro dunha Mesa Local contra a Violencia de Xénero. María Loureiro explicou que “queremos que o noso Concello se implique na loita contra a violencia de xénero, porque o noso obxectivo é sumar esforzos para facerlle fronte a esta lacra social, hai que plantarlle cara con todos os medios ao noso alcance e desde o Concello de Viveiro queremos poñer todos os nosos recursos na loita contra a violencia de xénero”.
“Pensamos que o Concello de Viveiro debe tomar a iniciativa de poñer en funcionamento a Mesa local na que terán presenza e voz para que fagan as súas achegas todas as institucións implicadas e os representantes dos sectores educativo, da sanidade e xudicial, entre outros”, manifestou a Alcaldesa.
María Loureiro avanzou que a Mesa contra a Violencia de Xénero de Viveiro constituirase o día 8 de outubro a instancia do Concello. Hoxe mesmo, a Alcaldesa convidou a participar na sesión de constitución da Mesa local contra a Violencia de Xénero de Viveiro, que terá lugar na sala de xuntas, ás 11:00 horas, á Subdelegada do Goberno en Lugo, Isabel Rodríguez López, e á Secretaria Xeral de Igualdade da Xunta de Galicia, Susana López Abella. Ademais, a Alcaldesa convocou a participar nesta primeira xuntanza que servirá para constituir a Mesa á Concelleira de Muller, Lara Fernández Fernández-Noriega, así como a persoal técnico da Concellería da Muller e os Servizos Sociais, a representantes da Policía Local, a Policía Nacional e a Garda Civil; os CEIP de Covas, Celeiro e Santa Rita de Galdo, o CPR Landro de Viveiro, o CEP Lois Tobío e o IES Vilar Ponte de Viveiro; do Xulgado, o Centro de Saúde e a Oficina de Emprego de Viveiro, e aos representantes dos grupos políticos que forman a Corporación municipal.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
