Burela, 3 se setembro de 2018. Arredor de 4.000 persoas pasaron pola oficina de turismo de Burela en agosto. O concelleiro de Turismo, Ramiro Fernández Rey, fai unha valoración positiva destes datos e subliña que a ocupación hostaleira nas tres primeiras semanas do mes foi do 100%. Ademais 1.500 turistas visitaron o barco museo, un atractivo turístico que o Concello seguirá a potenciar de cara ao vindeiro ano, ao igual que as rutas á lonxa.
O edil burelés declarou que “a nosa valoración é positiva. Seguimos incrementando os visitantes tanto en Burela como na Mariña, ese é un dato importante e hai que seguir traballando nesa dirección”.
Ramiro Fernández Rey sinalou que “neste mes de agosto na oficina de turismo de Burela atendéronse máis de 4.000 persoas e este é un incremento moi importante desde o momento que nosoutros chegamos ao goberno de Burela. Temos que recordar que no 2015, en agosto estabamos falando de 1.500 ou 1.600 persoas e agora son máis 4.000 persoas. Isto demostra que a Mariña está tendo unha proxección turística importante e que en Burela cada vez nos visitan máis, o que quere dicir que se está facendo un bo traballo no aspecto turístico”.
O concelleiro de Turismo engadiu que “contactamos cos hoteis e a ocupación neste mes de agosto, sobre todo nas tres primeiras semanas, foi do 100%. Baixou un pouquiño na última semana, pero segundo nos comentan os hostaleiros temos que felicitarnos por estes datos e o sector hostaleiro está contento coa ocupación que tivo ademais tendo en conta que no mes de xullo non se cumpriron as expectativas que os hostaleiros tiñan postas nese mes”.
As estatísticas reflicten que das 4.025 persoas que demandaron información na oficina de turismo de Burela durante agosto 1.636 procedían de Madrid, 539 de Galicia, 430 de Castela-León e 273 do País Vasco, entre outras comunidades. Ademais 100 persoas de nacionalidade estranxeira pasaron tamén por Burela procedentes de Francia, Italia, Portugal, Suiza, Inglaterra, Brasil, Eslovenia, México ou Miami.
Fernández Rey engadiu: “sobre as iniciativas do Concello, tanto as rutas xeolóxicas como a da lonxa, foron un auténtico éxito. Destacar sobre todo as rutas á lonxa que foi tal o éxito que nos deixou un pouco sorprendidos. Estiveron cubertas ao cen por cen, e é unha iniciativa que temos que valorar ampliala de cara a outros anos porque é un atractivo moi importante para a xente. As rutas xeolóxicas están funcionando perfectamente. O barco museo dentro dos seus números tamén está funcionando moi ben, con máis de 1.500 visitas durante este mes de agosto, co cal estamos cumprindo coas expectativas que tíñamos postas neste museo flotante e seguiremos traballando para potencialo porque a xente que o visita sae realmente encantada”.
O concelleiro de Turismo de Burela fixo fincapé en que “é un balance moi positivo. Temos que seguir traballando nesta liña. Penso que os datos demostran que o traballo que se está facendo é bo, e destacar que a Mariña está tendo un grandísimo tirón e Burela se está beneficiando de todo iso”.
Arredor de 4.000 persoas pasaron pola oficina de turismo de Burela no mes de agosto e 1.500 visitantes coñeceron o barco museo Reina do Carme. Os datos foron ofrecidos polo concelleiro Ramiro Fernández Rey
Relacionado
-
A Deputación investirá 260.000 euros na mellora de dúas estradas clave de Burela
-
O Concello de Viveiro lembra as normas de seguridade e convivencia para a Romaría do Naseiro, que comezou este venres
-
Ribadeo vive unha fin de semana gastronómica con catro grandes citas: Feira do Mel, Festa da Ría, Carne ao Caldeiro e Mercado do Camiño
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
