Ribadeo, 2 de setembro de 2018. O Cine Teatro encheuse na tarde de onte para asistir ao pregón que pronunciou o profesor Carlos Álvarez Lebredo. Nado en Ribadeo, reside en Santiago de Compostela. É fillo do músico Carlos Álvarez Fernández-Cid, de quen se celebra este ano o centenario do seu nacemento con varios actos na vila ribadense.
O acto deu comezo coas intervencións do presidente da comisión de festas, Juan José Otero, e da concelleira Mariluz Álvarez Lastra, que desculpou a ausencia do alcalde, Fernando Suárez, debido a unha indisposición de última hora. Tras escoitar atentamente ao pregoeiro os asistentes puideron gozar da actuación que ofreceu a Coral Polifónica de Ribadeo, que interpretou media ducia de pezas.
Os membros da comisión de festas Juan José Otero, Avelino Martínez e Marta Saiz quixeron agradecer o traballo de varias persoas que durante as últimas semanas e meses estiveron a colaborar con elas para que os festexos patronais de Ribadeo puidesen levarse adiante. Foron convidad@s a subir ao escenario do Teatro Begoña García, Begoña Fraga, Cani, Mar da Veiga, Neni, Rocío Brañanova e Íker. Alí recibiron un obsequio cos Cocos como protagonistas e unha frase que di “A comisión agradece a súa colaboración nas festas da patroa 2018”.
Con anterioridade o presidente da asociación organizadora das festas, Juan José Otero fíxolle entrega dunha placa conmemorativa ao pregoeiro deste 2018, Carlos Álvarez Lebredo. A directora da Coral Polifónica de Ribadeo, Mª Carmen Rodríguez Cancelo, recibiu un ramo de flores e a Coral un agasallo como lembranza da súa participación no acto.
Entre os asistentes ao pregón estiveron varios membros da Corporación Municipal de Ribadeo, o deputado autonómico Daniel Vega, así como o presidente e o xerente de Acisa, Francisco Iriarte e Jesús Pérez.
O acto foi presentado pola xornalista e directora de Faro Norte Comunicación, Carmen Cruzado.
A primeira verbena das festas patronais ribadenses terá lugar o mércores 5 de setembro a partir das 22:30 horas e estará amenizada pola orquestra Los Satélites.
O xoves, día 6, ás 16:00 horas haberá teatro en inglés para nenos: Storytime Under the sea by Kids&Us Ribadeo. Ás catro e media da tarde comezarán as actividades do Parque Diverneno, con inchables, festa da escuma e máis actividades. Neste acto colabora ACISA Ribadeo e se o tempo non acompaña trasladarase ao pavillón do colexio Gregorio Sanz. A verbena dese día comezará ás 22:30 horas e contará coa actuación da orquestra Marbella.
O venres 7, véspera do día da patroa, ás 11:30 horas saíran os cocos e cabezudos acompañados do grupo folclórico Amigos da Gaita. A partir das 22:30 horas haberá verbena coas orquestras Gran Parada e Ritmo Joven. E ás doce da noite terá lugar a tradicional sesión de fogos artificiais no peirao.
O sábado 8, día da patroa, ás doce do mediodía celebrarase misa solemne cantada pola Coral Polifónica de Ribadeo, seguida de procesión acompañada pola Banda Municipal de Música de Ribadeo, que a continuación ofrecerá un concerto diante da Casa do Concello. E ás 22:30 horas empezará a verbena amenizada polas orquestras Gran Casino e Ibiza.
As festas patronais ribadenses seguirán o domingo 9 coa verbena que comezará as dez e media da noite e contará coas actuacións das orquestras La Favorita e Fénix. Xa o luns 10 será o día dos nenos, que gozarán de prezos especiais nas atraccións.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
