O Ministerio de Fomento está a piques de presentar no Consello de Ministros o real decreto polo que Audasa, a concesionaria da AP-9, incrementará as súas tarifas nun 2%.
As tarifas pactadas previamente cos gobernos de Zapatero e Mariano Rajoy encareceranse nos vindeiros meses; dita circunstancia non pode ser novidosa cando xa en xaneiro do ano en curso as peaxes experimentaran un incremento dun 1,91 %.
Xa hai anos que as autoestradas españolas se converteron nun apuro para o goberno central: primeiro pre-concursáronse as radiais madrileñas 2, 3, 4 e 5, cunha débeda en torno aos 2.700 millóns de euros; logo chegarían outras como a autoestrada Cartaxena-Vera (Aucosta).
O problema do carácter antieconómico das autoestradas españolas ten unha solución comprometida e afecta construtoras e entidades financeiras como FCC, Ploder, Ferrovial, Sacyr, Abertis, ACS, Acciona, OHL, Bankia, Cajamar, CAM, Caja Castilla La Mancha, Unicaja o La Caixa.
Todas estas entidades acordaron coa administración do estado que o xeito máis rendible para abaratar custes pasaba por prolongar a vida das concesións máis onerosas.
Ese mesmo negocio é o que ven de pactar o ministro de fomento con Audasa para o financiamento do novo vial de Rande, a circunvalación de Compostela e a mellora do enlace de Sigüeiro.
Aínda que o realmente significativo da concesión é que, mentres a principal autoestrada de Galicia pide subir as peaxes, as súas contas, depositadas na CNMV, arroxaban os seus mellores resultados dende o ano 2011. Audasa ingresou até o pasado 30 de xuño máis de 365 mil euros diarios en peaxes.
Semella evidente que o papel do estado, lonxe de velar polo interese xeral e a libre concorrencia competitiva, afianza un sistema de monopolio manifestamente contrario ós intereses da maioría. Colla o mesmo exemplo e faga extensión ó eido financeiro, ó enerxético, á saúde e a calquera outro sector estratéxico…
Estradas que nos levan camiño de ningures, o vello conto de falar en nome de todos, de facer uso do interese xeral para beneficiar ós amigos.
Logo sacaran a foto e pedirán gratitude. Vasalaxe, xa era así no medievo. Namentres, seguiremos a pagar entre todos os excesos duns poucos.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
