Viveiro, 31 de outubro de 2018. O pasado domingo finalizou Superarte, I Certame de Teatro Feito por Persoas con Diversidade Funcional e dende o concello consideramos necesario agradecer a todos aqueles que fixeron posible que esta primeira edición fose un éxito absoluto, ademais de facer fincapé na grande acollida e repercusión que esta iniciativa tivo.
Neste sentido, por unha banda, cómpre agradecer á Xunta de Galicia e á Deputación de Lugo pola súa colaboración e compromiso co proxecto; a Emarela, por darlle forma e pola produción, impecable, do evento; e a Temple Bar, pola súa colaboración para ofrecer unha sesión vermouth con cócteles sen alcohol e smoothies, que resultou un momento realmente divertido e concurrido.
Por outra banda, tendo en conta tanto as propias impresións como as dos participantes e colaboradores, é preciso subliñar que o balance final é moito máis positivo do esperado. De feito, xa se puxeron en contacto con nós máis asociacións para interesarse pola continuidade do certame, facendo constar o seu interese en participar nunha próxima edición. Houbo, incluso, unha asociación que se desprazou dende Oviedo para asistir como público, facendo de Superarte unha razón para viaxar ata Viveiro e disfrutar desta iniciativa.
Ao longo do certame, entre agrupacións de teatro e agrupacións musicais, participaron 50 artistas con diferentes patoloxías de divesidade funcional. Ademais, moitos deles participaron en todos os talleres celebrados, obtendo diversas ferramentas ou recursos que lles serán moi útiles no seu día a día. Nos tres talleres que se impartiron cubríronse todas as prazas ofertadas e os usuarios, docentes e voluntarios que participaron coincidiron na súa valoración totalmente positiva dos mesmos.
Na mesa redonda que tivo lugar o domingo tratáronse temas moi interesantes, que nos serviron para recompilar ideas ou pistas sobre cara a onde pode seguir medrando este proxecto, ámbitos vinculados á formación, a parte do propiamente artístico, no que poderiamos seguir traballando para colaborar e axudar a este colectivo.
É necesario destacar, así mesmo, que Superarte tivo unha gran proxección dentro e fóra de Galicia e que incluso recibimos felicitacións da Fundación Anade, de Madrid, que ten, entre outros, o obxectivo da integración social e laboral das personas con discapacidade ou enfermedade mental.
Por todo o exposto cabe concluír que o proxecto Superarte foi un éxito absoluto e dende o Concello de Viveiro queremos subliñar a importancia de que todas as administracións crean nestes proxectos tan necesarios para a vida de todos, pois, cabe lembrar, que ninguén está libre de verse nesta situación
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
