Lugo, 23 de outubro de 2018. O Presidente da Deputación, Darío Campos Conde, e a Alcaldesa de Lugo, Lara Méndez López, presentaron este mércores a 40 edición do Rally San Froilán, que terá lugar os vindeiros días 27 e 28 de outubro. Fixérono acompañados do Deputado de Deportes, Pablo Rivera Capón, o Concelleiro de Deportes, Miguel Fernández Méndez, a Subdelegada do Goberno, Isabel Rodríguez López, e os Alcaldes dos Concellos de Friol, Meira, Pol e Outeiro de Rei, municipios polos que transcorrerá a proba. No acto tamén participou a Vicepresidenta da Escudaría Miño, Mayte Vilanova López e o Presidente da Escola PTC, Antonio Solórzano.
O Goberno da Deputación e do Concello de Lugo son os principais patrocinadores da cita, que reunirá a 105 pilotos, entre os que se atopa Víctor Senra, o actual campión galego, que competirá polo título con Alberto Meira e Iago Caamaño. Xunto a eles atópase Adrián Díaz, campión do Rally San Froilán 2017.
O organismo provincial realiza unha achega de 30.000 euros para a organización do Rally San Froilán, que se suma aos 17.000 euros que o Executivo destinou á posta en marcha do VII Volante Deputación, a iniciativa mediante a cal un afeccionado lucense, José Miguel Rodríguez, poderá participar de balde na competición, dentro do equipo PTC Escuela e aos mandos dun Suzuki Swift Sport, tras recibir cursos de formación.
Campos Conde subliñou que “Esta competición supón unha oportunidade única para a dinamización da provincia, pois congrega de media a uns 40.000 espectadores, cun retorno económico estimado dun millón de euros para a provincia, segundo a propia organización”.
O Presidente da Deputación apuntou que “a de Lugo é unha Deputación que aposta decididamente polo deporte. Somos, sen dúbida, a administración que máis inviste neste eido na provincia. E, como non podía ser doutro xeito, ano a ano ratificamos o noso compromiso co deporte do motor, cunha achega próxima aos 140.000 euros. Estes fondos permiten: conceder becas aos mellores pilotos da provincia, a través dunha pioneira liña de axudas que impulsamos dende o Executivo; a organización e celebración do Volante Deputación, que este ano cumpriu a súa sétima edición, formando a afeccionados do deporte automobilístico; e, por suposto, para facer posible as subidas a Chantada e á Pontenova e tamén o Rally da Ulloa”.
As cifras do rally
Segundo a organización do 40 Rally San Froilán, o evento terá unha importante repercusión na economía da provincia, xa que producirá un retorno económico para Lugo de preto dun millón de euros, que beneficiará sobre todo aos concellos polos que transcorrerá o evento. O sector hoteleiro incrementará a súa demanda de aloxamento durante os dous días de duración dos actos desta cita automobilística, coa reserva de arredor de 150 habitacións dobres, e os establecementos de hostalería verán tamén notablemente aumentados os seus beneficios.
Percorrido
O 40 Rally San Froilán, puntuable para o Campionato Galego de Rallys, estará formado por un percorrido de 378,35 quilómetros dos cales 91,73 quilómetros corresponden a 8 treitos cronometrados por estradas asfaltadas pechadas ao tráfico. A proba constará de dúas etapa dividida en cinco seccións:
TREITO 1ª PASADA 2ª PASADA
A – OUTEIRO DE REI 08:53 12:06
B – FRIOL 09:16 12:29
C – MEIRA 17:17 20:12
D – POL 17:45 20:40
Na xornada do venres 26 levaranse a cabo as correspondentes verificacións técnicas e administrativas. O sábado 27 será a xornada na que se disputará o rally, o cal comezará ás 08:00 horas coa saída do primeiro participante da primeira das seccións. Ás 10:28 horas sairá o primeiro participante da segunda sección e ás 14:20 horas terá lugar a saída do primeiro participante da terceira sección. Ás 18:54 horas, o primeiro participante da cuarta sección tomará a saída. Ás 00:00 horas publicaranse os resultados da proba.
Normas básicas de seguridade
A organización do Rally recordou aos afeccionados a importancia de situarse en lugares fose de perigo, é dicir, lonxe da posible traxectoria dunha saída de estrada dos participantes e, sobre todo, non situarse diante de lugares sólidos como muros de pedra, valla, vehículos, árbores, colectores, etcétera. Así mesmo, solicitou a máxima colaboración para intentar cumprir e respectar en todo momento as medidas establecidas, respectando e obedecendo as recomendacións dos Comisarios, Protección Civil e Forzas de Seguridade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
