Foz, 26 de novembro de 2018. O Concello de Foz aprobou en xunta de goberno, máis de 30 convenios das subvencións nominativas anuais que concede a asociacións culturais, deportivas e sociais do municipio. O alcalde, Javier Jorge Castiñeira, salientou que son un total de 184.000 euros moi ben investidos.
O rexedor focense anunciou que “hoxe tivo lugar unha xunta de goberno importante, na que se aprobaron máis de trinta convenios de subvencións nominativas a cargo dos orzamentos municipais do ano 2019 por arredor de 184.000 euros. Son as subvencións anuais que se conceden a todos aqueles grupos culturais tanto do eido musical, do teatro ou doutras organizacións e tamén do ámbito deportivo e social”.
Javier Castiñeira subliñou que “son máis de trinta organizacións que sosteñen o noso tecido cultural e practicamente toda a axenda cultural, deportiva e social do municipio e, coa colaboración do Concello, durante todo o ano fanse centos de actividades e de programacións de todo tipo”.
O alcalde engadiu: “estamos contentos porque son 184.000 euros moi ben investidos no propio pobo, que dan para os gastos de funcionamento destas asociacións. Sabemos que para a maior parte delas este é o seu maior ingreso e despois outras colaboracións doutras organizacións, pero si que é ben certo que para o seu funcionamento, no día de hoxe, é moi importante que sexan financiadas polo Concello”.
Ademais Castiñeira fixo fincapé en que “estamos encantadísimos de seguir apostando polo noso tecido asociativo, desde logo, e iso vai nos resultados anuais que teñen todas estas asociacións. Aproveitamos tamén para agradecer a todas aquelas xuntas directivas de todo tipo, do eido cultural, social e deportivo, a todos aqueles que emprenden dalgunha forma, ademais de maneira altruísta, algunha actividade no noso concello. Sabemos que é posible que haxa que tratar de mellorar estas subvencións nalgún momento, pero ese compromiso anual do Concello está aí; e a partir de agora ábrense xa os períodos para poder xustificalas e cobralas nos próximos meses”.
O Concello de Foz aprobou en xunta de goberno, máis de 30 convenios das subvencións nominativas anuais que concede a asociacións culturais, deportivas e sociais do municipio
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
