Burela 18-12-18. “Para nós este é un día moi importante, a sinatura do convenio é un paso máis da nosa aposta incansable polo deporte feminino. Levamos anos traballando neste sentido, pola igualdade e polo profesionalismo do noso equipo feminino e este convenio é a mostra definitiva do camiño andado. Dentro da nosa estrutura non é un feito histórico, é un feito lóxico, co convenio non facemos máis que plasmar por escrito unha realidade do noso club e pensamos que debería converterse na normalidade do noso deporte” así se amosaba este mediodía o presidente do Pescados Rubén Burela FS, Manuel Blanco, tras a sinatura do convenio colectivo das súas xogadoras profesionais.
Dende o liderado de Primeira RFEF Liga Foro 16 Feminismo, as xogadoras do Pescados Rubén Burela FS participaron na formalización do acordo esta mañá na notaría de Burela, xunto á directiva da entidade laranxa e a presenza da Asociación de Xogadoras de Fútbol Sala Feminino.
Tras o acto, Manuel Blanco atendeu os medios de comunicación e deu a coñecer algúns dos detalles deste revolucionario convenio xunto á presidenta da AXFSF, Natalia Orive, as capitás Bea Mateos e Jozi de Oliveira e o vicepresidente burelista, José Luis Sáez.
Natalia Orive, dende a AXFSF, destacou o gran momento que comeza a vivir o fútbol sala feminino: “É un momento histórico, o momento das xogadoras deste club, é un momento histórico para o fútbol sala pero tamén para o deporte feminino en xeral. Ademais ten moito mérito o traballo do Pescados Rubén por normalizar unha situación que non é o habitual noutros equipos. Oxalá as xogadoras puidésemos ter 15 anos menos para vivir esta etapa de profesionalización. Con convenios como este e con clubs como este fan grande o deporte feminino” explicaba a presidenta da Asociación, dando a noraboa ao club laranxa e prestando a súa colaboración.
Pola súa banda, Bea e Jozi, recoñecéronse privilexiadas: “Hoxe tócame ser a portavoz de todas as miñas compañeiras cando digo que nos sentimos orgullosas de pertencer a este club. Temos que dar as grazas a Pescados Rubén por este esforzo, a Manolo, José Luis e Alfredo, xunto ao resto da directiva, que son os grandes responsables de que este convenio saíse adiante e de que sexamos un pouco máis profesionais do que eramos” valoraba Bea, coincidindo con Jozi: “Este convenio reforza todo o que o Burela leva anos facendo porque nós temos unhas condicións privilexiadas e esperemos que este convenio sexa un modelo a seguir, un exemplo, para outros clubs, porque dentro da categoría aínda nos falta moito por andar” puntualizaba a gardamenta brasileira, agradecendo tanto ao club coma a AXFSF o acordo.
Por último, José Luís Sáez quixo destacar o gran protagonismo do patrocinador, Pescados Rubén, en que este convenio sexa unha realidade, e agradeceu a predisposición da Asocación de Xogadoras para que todo se desenvolvera con axilidade: “Nós, na igualdade, pasamos das palabras aos feitos. Neste convenio, que implica un desembolso económico importante, grazas Pescados Rubén, a negociación foi moi doada, pola boa disposición de todas as partes, xogadoras, club e a Asociación de Xogadoras, e sobre todo por Natalia Orive, que mostrou a súa predisposición en todo momento, con todas as xestións, ata coas compañías para as pólizas de seguros”, puntualizaba así o vicepresidente concluíndo: “Sabemos que este é o primeiro paso para facer nomal e cotián algo extraordinario”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
