Burela, a 3 de decembro de 2018.- O Grupo Municipal Popular burelés denunciou hoxe que “o concelleiro de Cultura, Educación, Xuventude e Sanidade, José Díaz, cobra media dedicación exclusiva do Concello; pero non asiste regularmente ás xuntas de goberno. Isto é unha burla á cidadanía”, consideran.
Os populares aseguran que “o Sr. Díaz cobra 14.000 euros ao ano por media dedicación exclusiva. Con esta dedicación, o Sr. Díaz ten a obriga de estar no Concello catro horas diarias e, así mesmo, asistir ás sesións de Pleno e Xunta de Goberno das que non cobra por asistir, xa que ten media dedicación”.
Os populares explican que “das 21 sesións da Xunta de Goberno local celebradas durante o presente ano ata a do 21 de novembro incluída, o Sr. Díaz, segundo as actas obrantes no Portal de Transparencia do Concello de Burela ás que pode acceder calquera cidadán, ausentouse de 9. Xa en 2017, de 26, ausentárase de 4. Tampouco resulta doado atopalo polo Concello de xeito regular, polo que dubidamos que cumpra as catro horas diarias de presenza ás que está obrigado por ter media dedicación exclusiva e cobrar os 14.000 euros ao ano”.
Os membros do Grupo Municipal Popular consideran que “esta persoa debe facer dúas cousas: a primeira, pedir perdón á cidadanía por cobrar e non traballar o que debera; e a segunda, devolver parte do cobrado, xa que non é ético que se deixe de asistir a sesións que son obrigatorias pola súa condición de terceiro tenente de alcalde e por cobrar media dedicación. Podemos entender que se ausente a unha ou dúas, pero non a tantas cando o réxime de sesións é de dúas ordinarias ao mes, prefixadas as datas ao principio do mandato e que polo tanto permite organizar a súa axenda sen demasiados problemas”.
Finalmente, os edís do PP solicítanlle ao alcalde que “poña coto a esta situación”, aínda que “sabemos que o que fará será mirar para outro lado, dado que o alcalde tampouco se caracteriza nin polo seu espírito de traballo nin por estar regularmente no Concello”.
O Grupo Municipal Popular de Burela denuncia que “José Díaz cobra 14.000 euros ao ano do Concello, pero acostuma a ausentarse das sesións da Xunta de Goberno”
Relacionado
-
A Pontenova, Barreiros e Muras entre os concellos que recibirán melloras en estradas provinciais
-
O BNG acusa o PP de demorar o arquivo do proxecto de Altri en Palas para que teña unha “pista de aterraxe” no futuro
-
O PP de Foz forza a Cajoto a presentar os orzamentos de 2026 para poder aprobar o pago de 466.000 euros en facturas pendentes
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
