Burela 8-12-18. Unha xornada máis e xa son 13 os mariñáns mantéñense imbatibles. O Pescadso Rubén Burela FS aferrouse ao liderado cun trepidante derbi irmandiño que acabou en festa goleadora para os laranxas (2-9), encamiñando a vitoria xa na primeira parte con vantaxe de 0-5.
Renato, no minuto 2, e Pope, no 8, marcaron a senda dunha gran primeira parte, cun Pescados Rubén moi superior, compacto e con calidade en definición. Carlos no 13 evitou o terceiro dos mariñáns e chegou a oportunidade do Noia en dobre penalti, por partida dobre, gañado o primeiro por Edu fronte a Cristian e o segundo cun disparo de Quilez que se foi fóra. Non aproveitaron os de Marlon Velasco e apareceu Juanfran para anotar o terceiro no 14, que ampliou Matamoros tan só un minuto despois nunha contra letal. Chegou o terceiro dobre penalti dos locais con Edu de novo como muro e Juanma Marrube optou polo porteiro xogador para os tres últimos antes do descanso. Os da casa responderon coa mesma aposta e outra vez aproveitou o Burela, cunha recuperación de R. Vargas que selou o 0-5.
Noia puido cambiar o escenario no regreso, aos 30 segundos do reinicio, con Juan Puertas nunha recuperación. Con todo, o Pescados Rubén non cedeu terreo e R. Vargas volveu ampliar a fenda, no 23. Antes da medianía do segundo acto, o sétimo dos laranxas chegou en propia porta de Juan Puertas. Tras a amarela a Xuxa, no 33, Matamoros non defraudou desde os dez metros para subir o 1-8. No 34 sumouse o Burela á acumulación de faltas. Porto, no 36, tivo o noveno nas súas zapatillas cun dobre penalti que freou Carlos. O meta noiés volveu frear a embestida do Pescados Rubén pero nada puido facer ante Lucho, no 37. No 38, Noia conseguiu reducir a gran desvantaxe do marcador cun dobre penalti transformado por Antoñito.
Ficha técnica
Noia Portus Apostoli FS: Carlos, Marci, Cristian Chao, Juan Puertas, Dani Colorado, cinco inicial; tamén xogaron Palmas, Quique, Quilez, Xuxa, Antoñito
Pescadso Rubén Burela FS: Edu, Luisma, Renato, Pope, R. Vargas, cinco inicial; tamén xogaron Lucho, Pitero, Hélder, Porto, Juanfran, Matamoros
Goles: 0-1, minuto 2, Renato; 0-2, minuto 8, Pope; 0-3, minuto 1, Juanfran; 0-4, minuto 15, Matamoros; 0-5, minuto 19, R. Vargas; 1-5, minuto 21, Juan Puertas; 1-6, minuto 23, R. Vargas; 1-7, minuto 28, Juan Puertas (p.p.); 1-8, minuto 33, Matamoros (d.p.); 1-9, minuto 37, Lucho; 2-9, minuto 38, Antoñito (d.p.)
Árbitros: Bravo Sarango // Medina Herrera (Navarra). Por Noia amarela a Dani Colorado, Xuxa (minuto 33), Antoñito.
Incidencias: Partido correspondente á xornada 13 de Segunda LNFS disputado en Noia, no pavillón Agustín Mourís.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
