Foron moitos os nenos e as nenas que este xoves se pasaron polo Teatro, en Ribadeo, para facerlle chegar as súas cartas e debuxos á carteira real chegada desde Oriente co obxectivo de repartir moita ilusión e algúns premios entre os participantes no concurso “Queridos Reis Magos”

Estivo de 12 a 14 horas esta mañá e estará pola tarde entre as 17 e as 20 horas. A carteira real volverá mañá, día 4, a recibir aos máis pequenos e pequenas da casa. Desde Acisa anímanos a que se acheguen a saudala e a presentar as súas cartas e debuxos ao concurso. Haberá dous premios, que consistirán en dous grandes xoguetes. O fallo do xurado darase a coñecer o 12 de xaneiro durante a VIII Festa do Comercio, que se celebrará no parque de San Francisco a partir das 20:30 horas.