Ribadeo, 11 de febreiro de 2019. A concelleira de Turismo, Ana Martínez, asiste hoxe en Santiago ao Fairway III Fórum do Camiño de Santiago onde está a recoller e escoitar experiencias, ideas e opinións doutros lugares polos que atravesan estas rutas. O obxectivo é potenciar este recurso turístico durante a maior parte do ano. Martínez lembra que Ribadeo é a porta de entrada do Camiño Norte a Galicia e o punto de partida elixido por moitos peregrinos para iniciar o seu percorrido.
A edil ribadense declarou que “dende o Concello de Ribadeo nos trasladamos ata Santiago para participar neste Fairway do Camiño de Santiago, o terceiro fórum que se fai vinculado ao turismo e ás experiencias vividas arredor do Camiño”.
A concelleira de Turismo dixo: “entendemos que Ribadeo ten unha presenza importante. Somos a porta de entrada por este Camiño Norte a Galicia. Eses 190 quilómetros que nos distancian de Compostela son un percorrido importante para o peregrino e aí entendemos que Ribadeo é un punto xa non soamente de tránsito senón de inicio para moita xente para percorrer este tramo cara a Compostela”.
Ana Martínez subliñou que “estamos aquí para recoller diversas experiencias, opinións e ver cousas que se poidan estar facendo noutros lugares trasladables ao noso concello. Cremos que é un motor importante o Camiño de Santiago ao paso por Ribadeo, temos moitísimos recursos que se poden presentar ao viaxeiro, a ese viaxeiro que ven buscando experiencias e fundirse coa parte máis interior. Entendemos que non soamente o que é a entrada, que xa é un punto importante, esa ría que lle abría a porta de Galicia ao peregrino a través das barquerías, senón tamén todo o tránsito polo interior do concello. Chegar á Ponte de Arante creo que tamén é outro dos recursos importantes onde o peregrino pode vivir unha experiencia nesa capela, con esas pinturas magníficas, e o percorrido por todo o tramo do concello de Ribadeo supón un aliciente máis”.
A concelleira engadiu: “estamos aquí en Santiago para intentar recoller ideas, traballar, participar nos foros que se están dando e potenciar este recurso que, ademais do que poida ser a tempada estival onde Ribadeo normalmente xa está cuberto turisticamente, teñamos a posibilidade de facelo probablemente desde os meses de marzo a outubro que hai unha grande afluencia de peregrinos que debemos saber aproveitar e potenciar. Polo tanto levaremos todos os recursos novos que poidamos aportar”.
Ana Martínez anunciou: “quero adiantar que durante este inverno intentaremos facer diversas xornadas de información aos hostaleiros, aos empresarios e aos emprendedores ou emprendedoras que queiran iniciar unha parte profesional vinculada ao Camiño e a Ribadeo”.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
