Foz, 18 de febreiro de 2019. O programa CATUXA, de sensibilización sobre a violencia de xénero e a igualdade entre mulleres e homes destinado á poboación adolescente, continúa a súa andaina polos IES públicos da Mancomunidade da Mariña Lucense; onte foi a quenda do IES de Foz.
As alumnas e alumnos dun dos grupos de 3º da ESO do IES de Foz participaron este pasado luns na actividade do Programa CATUXA “Analizando e rompendo cancións: busca e substitución de mensaxes machistas”. Esta actividade consistiu na análise do proceso de socialización de mozos e mozas a través da música que escoitan, en moitas ocasións de maneira inconsciente, sen prestar atención ás mensaxes que transmiten e que van integrando.
Durante a dita actividade, o alumnado analizou polo miúdo o contido de vídeos de cancións para identificar mensaxes que reforzan os mitos do amor romántico e da media laranxa, e a desigualdade entre mulleres e homes, co apoio de expertas en igualdade e violencia de xénero do equipo de RETNOVA.
Mediante unha dinámica participativa, fomentouse a identificación de mensaxes con compoñente violento ou discriminatorio cara ás mulleres nas cancións, para que elas e eles mesmos chegasen á conclusión do tipo de relacións que se atopan detrás destas mensaxes e do “risco” que implican.
A finalidade desta actividade é concienciar ás e aos adolescentes da importancia de sentirse libres á hora de establecer relacións de parella e mellorar as relacións afectivo emocionais erradicando o mito do amor romántico e propoñendo letras alternativas.
O programa CATUXA aposta por promover modelos de relación entre mozos e mozas baseados na igualdade e a non discriminación e sensibilizar e informar á sociedade sobre a importancia da prevención da violencia de xénero para a súa erradicación. Isto implica comezar por romper, por exemplo, rutinas nas aulas que levan a unha colocación segregada de rapaces e rapazas. As próximas actividades do mes de febreiro terán lugar no IES Enrique Muruais de A Pontenova os próximos días 22 e 26; no IES Alfoz Valadouro, o 25 de febreiro; e novamente no IES de FOZ os días 25 e 26. Deste xeito, CATUXA vai chegando con diferentes accións ás mozas e mozos de 14 a 16 anos da Mariña Lucense.
Pódese seguir a actualidade do programa CATUXA en Instagran e Facebook: @programacatuxa.
Alumnas e alumnos de 3º da ESO do IES de Foz participaron na análise de cancións para a busca e substitución de mensaxes machistas da man do equipo de RETNOVA, empresa adxudicataria do programa CATUXA
Relacionado
-
A Deputación investirá 260.000 euros na mellora de dúas estradas clave de Burela
-
O Concello de Viveiro lembra as normas de seguridade e convivencia para a Romaría do Naseiro, que comezou este venres
-
Ribadeo vive unha fin de semana gastronómica con catro grandes citas: Feira do Mel, Festa da Ría, Carne ao Caldeiro e Mercado do Camiño
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
