Lugo, 19 de febreiro de 2019. O CENTRAD da Deputación exhibe a partir de hoxe unha réplica da imprenta de Gutenberg, a única que existe en funcionamento en Galicia, e unha das poucas de España, e que foi construída nos propios talleres da Deputación. Segundo consta nos arquivos, existen poucas pezas similares en España que están en funcionamento, unha situada en Urueña (Valladolid), na cidade do libro, e outra na Comunidade de Madrid.
O Presidente avanzou “que a partir de agora todos os visitantes poderán desfrutar dunha peza exclusiva, cen por cen galega, feita ademais, polos propios profesionais do CENTRAD. Todos os que se acheguen ao Centro de Artesanía teñen a oportunidade de comprobar in situ como funciona este artiluxio, o único que está en funcionamento en Galicia”.
Campos Conde agradeceu o traballo dos traballadores que fixeron posible este proxecto. “A partir de agora esta peza será a estrela da nova Sala Gutenberg da Deputación. E ademais quero anunciar que xa están traballando nun novo proxecto, o Tórculo. Unha peza de prensa que se utilizada para a impresión de gravados en metal ou calcografías”.
O Presidente avanzou que “o Goberno da Deputación vai poñer en marcha unha campaña informativa, para que os centros escolares da provincia poidan coñecer esta peza excepcional, e que sexan os propios nenos e nenas os que poñan en marcha esta máquina, e ao mesmo tempo poidan levar un pequeno recordo do seu paso polo Centro de Artesanía e Deseño”.
Carpinteiros e ferreiros
Os responsables deste proxecto foron Álvaro Fernández, carpinteiro responsable do Obradoiro do Moble Artesán do Centro de Artesanía e Deseño (CENTRAD), e os seus compañeiros do Obradoiro do Moble Artesán e Obradoiro do Libro, Joao Fernandes, José Anxo Castro e Diego López. Ademais, tamén colaborou o ferreiro da Fonsagrada, Olverio Fernández. A realización deste traballo foi complexo xa que non había base material na que traballar, e os planos que se utilizaron foron os que se publicaron na Enciclopedia de Diderot de Juan de la Cuesta, na que aparecen publicadas unhas fotocopias con diferentes escalas coas pezas desta imprenta. A máquina foi realizada con madeiras de castiñeiro, procedentes de Sarria.
Presentación
Campos Conde estivo acompañado neste acto da Deputada de Cultura, Pilar García Porto e o Concelleiro de Deportes e Medio Rural de Lugo, Miguel Fernández. Tamén estiveron presentes os traballadores dos talleres do CENTRAD que realizaron esta peza, así como alumnos do Colexio Menéndez Pelayo de Lugo, e responsables de imprentas de toda a provincia, ademais de persoeiros relacionados coa edición do libro en Galicia.
Cantiga de Amigo de Xoán de Requeixo
A primeira impresión que saíu hoxe da replica de Gutenberg no CENTRAD foi unha Cantiga de Amigo de Xoán de Requeixo (trovador da Ribeira Sacra), pertencente ao Cancioneiro da Vaticana. Unha peza que narra a romaría de Faro en Chantada, e que fixo popular o grupo musical Fuxan os Ventos;
Fui eu madre, en romaría
a Faro, con meu amigo
e veño del namorada
por cuanto falou conmigo.
Ca mi xurou que morria
por mi, tal ben me quería
Leda veño da ermida
e desta vez leda serei
ca falei con meu amigo
o que sempre desexei.
Ca mi xurou que morria
por mi, tal ben me quería
Deúme eu vi con meu amigo
vin leda, si Deus me perdón
ca nunca lli cuido mentir
por cuanto me él dise entón.
Ca mi xurou que morria
por mi, tal ben me quería.
A invención da imprenta
Os expertos datan a metade do século XV a invención da imprenta moderna. Aínda que China e Europa contaban con sistemas de impresión avanzados, foi o alemán Johannes Gutenberg quen tivo a idea de perfeccionar a xilografía do momento (mecanismo de impresión para publicar panfletos de poucas follas) centrándose na utilización dos tipos móbiles. A imprenta moderna supuxo unha revolución cultural. Facilitou o acceso do pobo aos libros e ocasionou transformacións no ámbito político, relixioso e artístico. O verdadeiro valor da imprenta recaeu en que, por primeira vez, era e foi posible a difusión e o acceso ao coñecemento.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
