Foz, 14 de febreiro de 2019.- O delegado territorial da Xunta en Lugo, José Manuel Balseiro, participou hoxe na entrega de premios do duodécimo Concurso Internacional de Baristas de Escolas de Hostalería que se celebra no IES de Foz, no que quedou clasificado en primeiro lugar Iago Lesta (CIFP Paseo das Pontes); segunda Mari Luz Alanya (Escuela de Hostelería Gamarra) e terceiro Mikel Martínez (CIFP Compostela).
O IES acolle tamén estes días a sétima edición dos campionatos internacionais de Baristas Profesionais e o de Cata de Cafés de Escolas de Hostalería. Balseiro gabou o labor realizado polo IES de Foz e destacou a dimensión que teñen alcanzado estes certames, que “dan visibilidade ao gran traballo que están a facer as escolas de hostalería galegas”. O delegado subliñou que este tipo de iniciativas “poñen de manifesto que a formación e a profesionalidade son piares sobre os que se asenta a calidade e a excelencia na prestación de servizos”, ademais de constituír un escaparate idóneo para alumnos e profesionais do sector do café.
Balseiro participa na entrega de premios do XII Concurso Internacional de Baristas de Escolas de Hostalería do IES de Foz
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
