Burela, 12 de marzo de 2019. A vindeira edición da Feira Náutico Pesqueira Expomar, que se celebrará do 9 ao 12 de maio, xa ten confirmada a presenza de 120 stands nos que estarán representadas 300 marcas. En total o recinto feiral ocupará por primeira vez 4.000 metros cadrados. Nas últimas horas tivo lugar unha xuntanza da comisión organizadora para ultimar algúns dos detalles do evento. Nas Xornadas Técnicas, que terán lugar o xoves e o venres, presentarase un estudo sociolaboral da pesca en Burela e analizaranse cuestións de interese para o sector.
O alcalde, Alfredo Llano, e presidente da Fundación Expomar contou que “tivemos unha reunión ordinaria para ir mirando o que se está logrando para esta nova edición de Expomar que se vai celebrar do 9 ao 12 de maio. Hai que ser optimista porque a estas alturas xa está practicamente todo rematado, contamos cunha boa presenza de expositores e tamén para as xornadas técnicas e o encontro empresarial. Ademais vaise celebrar aquí en Burela o pleno do consello galego de pesca, paralelamente á feira”.
O rexedor explicou que “hai xa confirmados máis de 120 stands e temos máis de 300 marcas representadas. A inauguración será o día 9, coa conselleira do Mar, sobre a unha e media do mediodía. Tamén ampliamos a superficie de ocupación, antes víñanse empregando 3.500 metros e este ano van ser 4.000 metros os que se van aproveitar para facer unha boa exposición”.
Llano dixo que “as xornadas técnicas, que en principio ían ser só o xoves, imos facelas o xoves e o venres polo seu interese. Entre os temas que se van tratar haberaos de ámbito social e de xestión pesqueira. No ámbito social imos ter a presentación dun estudo sociolaboral da flota de Burela, que pensamos que é extraordinario e vai ter moita importancia nesta feira. Tamén se vai tratar o plan estratéxico de Cepesca no ámbito social, outro será os piares de sostibilidade da pesca e a dimensión social da pesca na política común”.
Llano engadiu que “con respecto aos temas de xestión pesqueira, que se abordarán o venres, farase unha análise da posta en marcha dos plans de xestión, tratarase a visión do sector pesqueiro que teñen os seus representantes, e as novidades sobre o Brexit e a repercusión que pode ter sobre o sector pesqueiro. Finalmente falarase de reflexións a onde vai a xestión pesqueira, verase que pasa coa política pesqueira común e cara onde van as obrigas e os caladoiros, etc. O encontro empresarial vai ser na mañá do venres e paralelamente imos ter o pleno do consello galego de pesca”.
Para o alcalde de Burela e presidente da Fundación Expomar “no seu conxunto vai ser unha feira exposición náutico pesqueira moi importante. Pensamos que é agora unha das máis notorias de todo o estado español pola calidade dos seus stands e pola presenza de moitísimas novidades con respecto á pesca. Despois están as xornadas técnicas que consideramos que son interesantísimas, actuais e para aquela xente a que lle preocupa o sector náutico pesqueiro. E tamén temos o encontro empresarial, que sempre saca unhas conclusións que son realmente importantes para o sector, e contamos con algo importantísimo este ano como é o pleno do consello galego, que ofrece unha importancia complementaria para a feira Expomar”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
