Burela, 12 de marzo de 2019.- A Consellería do Mar ten aberto o prazo de matrícula para inscribirse nas accións formativas que se van desenvolver en Burela no primeiro semestre do ano, ben na aula de extensión pesqueira ben na confraría de pescadores .
O primeiro curso a impartir será o de mariñeiro pescador, entre o 25 de marzo e o 5 de abril, cunha duración de 50 horas e un número máximo de 25 participantes. Entre o 22 de abril e o 7 de maio celebrarase un de formación básica, cun máximo de 20 prazas e unha duración de 70 horas. Ambos son indispensables para poder traballar a bordo dunha embarcación e serán impartidos na confraría de pescadores de Burela.
Entre os días 8 de abril e 28 de maio terá lugar tamén nesta localidade lucense o curso de patrón local de pesca, na sección de máquinas, pensado para os que xa contan co certificado profesional de mariñeiro pescador e queren ampliar as súas opcións laborais con este novo certificado. Neste caso convócanse 25 prazas e a actividade ten unha duración de 120 horas.
As accións formativas en Burela tamén inclúen un curso de formación sanitaria específica inicial, que se impartirá do 24 ao 27 de xuño na confraría de pescadores, e outro de actualización de formación sanitaria específica inicial o 29 de xuño.
A realización dos cursos que convoca a Consellería do Mar só require aboar unha taxa de 18,53 euros para a proba de aptitude de cara á obtención do certificado profesional de mariñeiro pescador e de patrón local de pesca. Estas accións formativas teñen como obxectivo impulsar o relevo xeracional no sector.
Neste sentido, actualmente estase a impartir a última das tres accións formativas previstas na aula de extensión pesqueira de Celeiro para este primeiro semestre do ano, un curso sobre formación básica que rematará o día 18 de marzo.
Nos dous primeiros meses do ano completáronse xa os cursos de mariñeiro pescador, entre o 11 e o 22 de febreiro, e de actualización de formación básica, impartido o 21 de xaneiro.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
