Lugo, 5 de abril de 2019. A Deputada de Cultura, Pilar García Porto, presentou este venres no Pazo de San Marcos o Correlingua 2019, que este ano arrancará baixo o lema “O galego é a fórmula”, un evento de promoción do uso do galego dirixido ao alumnado de ESO e Bacharelato menor de 20 anos, que se celebra nos centros educativos de toda Galicia. En total, na nosa provincia, mobilizará no mes de maio a máis de 3.500 estudantes.
No acto, García Porto, estivo acompañada polo Concelleiro de Deportes e Medio Rural de Lugo, Miguel Fernández; a Concelleira de Educación de Monforte de Lemos, Marina Doutón; o Secretario Nacional da CIG- Ensino, Xesús Bermello; a Secretaria da Mesa pola Normalización Lingüística, Mónica Pazos; o Presidente da AS-PG, Xoán Costa, e o Presidente da A. C. Correlingua, Anxo Terán. Nesta presentación entregáronse os premios os alumnos vencedores nas diferentes categorías do Correlingua, ao mesmo tempo que se avanzou o programa de actividades deste ano, que percorrerá 200 centros e no que participarán 18.000 alumnos de toda Galicia.
A Deputada convidou a todos os alumnos “a ser militantes activos na defensa da nosa lingua, e ao mesmo tempo das nosas tradicións e da nosa cultura. O galego é a nosa sinal de identidade, non podemos deixalo morrer, e vós sodes esa semente na que ten que seguir medrando cada día, en cada escola, nas vosas familias ou cos vosos amigos. Hai que amar, coidar, e mimar a nosa lingua, sen ela non temos futuro”.
Premiados 2019
Durante esta xornada, no Pazo de San Marcos, os alumnos gañadores nesta edición 2019 do Correlingua recibiron os seus premios. Na categoría de banda deseñada recolleu o premio o alumnado do CEIP Cabo da Area de Laxe. No certame de vídeo, na categoría infantil e primaria, gañou o alumnado do CEIP Albeiros de Lugo; e na categoría secundaria e bacharelato, o venceu o alumnado do CPR Concepción Arenal de Ourense. O diploma pola elaboración do manifesto recaeu no alumnado do IES de Carral da Coruña.
Programación
A programación deste ano inclúe actividades nun total de 12 Concellos de Galicia, que se celebrarán dende o 2 ao 16 de maio nas seguintes localidades; Cangas, A Coruña, Santiago de Compostela, Ribadeo, Ponteareas, Lugo, Narón, A Estrada, Monforte de Lemos, Vigo, Ourense e Pontevedra. Os 18.000 alumnos dos 200 centros educativos de Galicia, participarán nas actividades que están programadas para este ano e que arrancarán co lema, “O galego é a fórmula”. En cada xornada celebrarase unha carreira, lerase o manifesto realizado polos alumnado de 4º de ESO do IES de Carral, gañador do Correlingua 2019, “Temos química coa nosa lingua”. Tamén haberá actuacións musicais a cargo da Orquesta Cé Pantasma, concurso de animación, así como a actuación do vencedor do Cantalingua, entre outras.
O Correlingua
O Correlingua é unha actividade escolar que dura todo o curso. Iníciase no primeiro trimestre coa convocatoria dos concursos por medio dos cales o alumnado reflexiona sobre a situación do noso idioma e crea os seus propios argumentos (manifesto, vídeo, banda deseñada) para defender o seu dereito a vivir e medrar en galego. Finalmente, no terceiro trimestre e no mes de maio, celébranse as carreiras pola lingua que percorren todo o país, sacando á rúa esta mensaxe en prol do idioma.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
