A Mariña, 12 de abril de 2019. A Mancomunidade de Concellos da Mariña Lucense presentará este venres, día 12, ás 12 horas na Casa Museo de Álvaro Cunqueiro, en Mondoñedo, as audioguías ficcionadas da Mariña en catro idiomas: galego, castelán, inglés e francés e o material que se elaborou para a promoción deste produto conxunto. Este proxecto levado a cabo pola Mancomunidade e o Grupo Chévere (Premio Nacional de Teatro 2014) conta co apoio da Deputación de Lugo e da Xunta de Galicia para a promoción turística do xeodestino.
No acto de mañá participarán o presidente da Mancomunidade de Municipios da Mariña, Alfredo Llano; a alcaldesa de Mondoñedo, Elena Candia; a concelleira de Turismo de Ribadeo, Ana Martínez; o tenente de alcalde de Viveiro, Jesús Fernández; o responsable da Área de Turismo na Deputación de Lugo, Eduardo Vidal; e a xefa provincial de Turismo en Lugo, Paloma Vázquez.
Desde a Mancomunidade da Mariña explican que “por este motivo e ao longo do día as persoas asistentes e todas aquelas que así o desexen poderán facer uso de forma gratuíta dun dispositivo mp3 e cascos illantes para desfrutar da audioguía ficcionada: Mondoñedo e familia, un roteiro de 47 minutos de duración baseado na figura de Álvaro Cunqueiro. Con motivo desta presentación tamén haberá xornada de portas abertas na Casa Museo de Álvaro Cunqueiro”.
Con este acto a Mancomunidade convida a todo o mundo a coñecer este novedoso e singular produto, que o pasado ano se daba a coñecer en galego e trala súa tradución ao castelán, inglés e francés aproveitase para presentar o material promocional que se elaborou para difundir esta experiencia de forma conxunta entre veciños e visitantes.
As tres audioguías: Mondoñedo, Ribadeo e Viveiro teñen un enfoque, un tratamento e un formato diferenciado que buscan a implicación emocional por parte da persoa que escoita, provocar a curiosidade e promover que se fagan os tres paseos.
E engaden que “as audioguías estarán dispoñibles para a descarga e reprodución gratuíta na web da Mancomunidade de Concellos da Mariña Lucense, sendo posible ser partícipe desta experiencia cun dispositivo móbil e uns cascos. Mondoñedo, lugar de acollida da presentación, dispón de dispositivos mp3 e cascos illantes para o aluguer, que cede gratuitamente a todos aqueles que nos acompañen na xornada de presentación de mañá”.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
