Ribadeo, 30 de abril de 2019. A Asociación de Profesores de Automoción de Galicia (APAGA) organiza unha nova fin de semana tecnolóxica que terá lugar este sábado, 4 de maio, en Ribadeo.
O presidente de APAGA, Álvaro Doural, anunciou que “o día 4, continuando coas fins de semana tecnolóxicas que levamos facendo desde principio de ano, imos ter un curso de caixas de cambio automáticas, tipo DSG. É un curso avanzado sobre o mantemento e diagnose deste tipo de equipo. Vai ser impartido por un técnico de Madrid, especialista en tecnoloxía de caixas de cambio automático. Son oito horas e vai desenvolverse nas instalacións do hotel O Cabazo, en sesión de mañá e tarde”.
Doural explicou que “son dez prazas e aínda queda algunha. Se hai alguén interesado aínda están a tempo de apuntarse a esta actividade. Hai varias formas de inscribirse, a través da nosa páxina www.apaga.es, a través do correo da asociación apagaribadeo@gmail.com, ou no teléfono de contacto 639 88 49 45. Este curso vai destinado a técnicos de empresa e a profesores e alumnos de formación profesional”.
O presidente de APAGA subliñou que “todos os cursos que se están facendo as fins de semana son abertos, é dicir nos que pode participar calquera, aquel afeccionado ou aquel ao que lle interesa un tema determinado. Está aberto a todo tipo de xente. Son cursos eminentemente técnicos, pero non fai falla ter ningún coñecemento, só as ganas de facelo. Son cursos moi intensivos, dado que son 8 horas nada máis, pero creo que son interesantes para xente que está traballando no sector do automóbil, para aqueles que están impartindo docencia, para ex alumnos, e aquela xente que está interesada pola tecnoloxía do automóbil”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
