A Mariña 1-4-19. O Servizo de Orientación e Intermediación Laboral (SIL) que forma parte de COGAMI (Confederación Galega de Persoas con Discapacidade) leva orientadas durante este primeiro trimestre do ano a 1.088 persoas con discapacidade ou con incapacidade laboral recoñecida para a profesión habitual.
Destas persoas orientadas, 402 foron dadas de alta no servizo e entraron a formar parte dunha base de datos que arestora conta con 20.458 persoas inscritas, das que o 35% están traballando e o 65% están en situación de desemprego. Polo tanto, contamos arestora na nosa base de datos con 13.397 persoas que demandan un posto de traballo.
Durante este primeiro trimestre do ano, segundo datos que manexa o SIL de COGAMI, houbo 559 persoas inseridas no mercado laboral galego (306 homes e 253 mulleres), un dato que supón un aumento dun 3,34% con respecto ao ano anterior.
Con respecto á zona da Mariña, contamos 6 persoas inseridas, 5 homes e 1 muller.
Os sectores nos que se produciron estas contratacións foron maioritariamente o sector servizos, coincidindo coa estrutura maioritaria do tecido empresarial. Segundo as zonas, tamén varía a tipoloxía de insercións, por exemplo na comarca da Barbanza existe demanda de postos para o sector conserveiro. A limpeza, atención a persoas, servizos a empresas e a industria manufactureira son outros sectores que demandan persoal laboral con discapacidade.
Segundo explica a coordinadora do Servizo de Emprego de COGAMI (SIL), Mari Carmen Ínsua, “notamos algún avance no mercado con respecto á contratación de persoas con discapacidade”. Ante o ascenso no número de contratacións Mari Carmen Ínsua di que “temos que ser cautos, porque seguen sendo moi inferiores as taxas de emprego nas persoas con discapacidade”. Ademais, tamén indica que dentro da discapacidade “os traballos son en peores condicións en canto a alta taxa de temporalidade e xornada a tempo parcial”.
A falta de cualificación ou a escasa formación son un dos problemas que máis contempla o colectivo das persoas con discapacidade. Moitas das persoas apuntadas na base de datos do SIL de COGAMI teñen que reorientarse ao mercado, por iso dende esta área os asesoran para que se formen con COGAMI nos cursos que cada ano desenvolve, sendo actualmente 28 os que se están impartindo con 345 persoas formándose.
Realizar accións de sensibilización co tecido empresarial é fundamental para que existan oportunidades laborais para persoas con discapacidade. Dende o SIL de COGAMI están a traballar coas empresas como motor de cambio, que sexan comprometidas e que se alíen para a creación dunha sociedade inclusiva e igualitaria. Dende o SIL realizan visitas ás empresa para dar a coñecer o apoio que se lles pode prestar nos seus procesos de selección de persoal con discapacidade, ademais de asesoralas para cubrir a cota de reserva a aquelas que teñen máis de 50 persoas traballando.
SIL de COGAMI
O Servizo de Información, Orientación e Prospección de Emprego (SIL) é un dos principais referentes na especialización dos servizos de emprego. Concentra a maioría das accións dirixidas á busca de emprego. É centro colaborador do Servizo Público de Emprego de Galicia, autorizada como Axencia de Colocación recoñecida co
nº 1200000003, e conta cun equipo formado por 40 profesionais de orientación laboral e axentes de emprego que traballan nas 7 oficinas que ten en Galicia.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
