Lugo, xoves 4 de abril 2019. O cabeza de lista de Ciudadanos ao Congreso dos Deputados pola provincia de Lugo, José Manuel Blanco, respostou esta mañán ás críticas de membros do Partido Popular que o acusaron de ter abandonado o PP para pasarse a Ciudadanos. “Marchei do PP por coherencia, xa que vin que non defendía á provincia de Lugo nin á comarca da Mariña e que a presenza dos diputados e senadores do PP en Madrid era inútil e só estaban para manterse atornillados ao sillón”, afirmou en referencia a persoas coma José Manuel Barreiro ou Jaime De Olano.
“Un dos problemas que ten o PP é que persoas coma Barreiro, Balseiro e De Olano pensan que os seus cargos son vitalicios”, asegurou José Manuel Blanco, que argumentou que “todos os cargos pertencen aos votantes”. Por iso, dixo, “pídolles aos votantes do Partido Popular que fagan coma min e se pasen a Ciudadanos”.
O candidato de Ciudadanos ao Congreso participou esta mañán na presentación da candidatura xunto ao mariñao Francisco Pintado, xefe do servizo de Anestesioloxía do Hospital Público da Mariña e que forma parte como número dous da lista á Cámara Baixa. José Manuel Blanco destacou “o valor dunha persoa coma o doutor Pintado, que leva 32 anos traballando pola sanidade pública na comarca da Mariña”.
José Manuel Blanco loubou ao doutor Pintado por ser “un profesional de recoñecido prestixio procedente da sociedade civil e que representa a sanidade e a educación, dúas das grandes preocupacións de Ciudadanos”. Francisco Pintado explicou que leva tres décadas vivindo en Burela e traballando no Hospital Público da Mariña e que se sinte “un mariñao e un galego de adopción”. Explicou que nunca até agora participara en política, pero decidiu unirse a Ciudadanos pola “ilusión que lle despertou este proxecto”, do que dixo sentirse “moi orgulloso”.
Loitar contra a corrupción e o despilfarro de fondos públicos
O lugar escollido para a presentación foi a praza de abastos de Lugo polo seu triplo simbolismo: simboliza o abandono da provincia de Lugo por parte do PSOE e do PP; o malgasto dos fondos públicos tras terse gastado máis dun millón de euros no edificio e nin sequera estar acabado; e a corrupción, ao ser adxudicada a unha empresa que estaba investigada por tramas corruptas en Madrid e anulada posteriormente polo Tribunal Superior de Xustiza de Galicia, que obrigou ao Concello no 2017 a volver a iniciar o proceso de contratación.
“Estas son as cousas polas que Ciudadanos veu á política: para acabar coa corrupción, xestionar de forma eficiente os fondos público e buscar solucións reais que dinamicen a economía”, insistiu Olga Louzao, voceira de Ciudadanos no Concello de Lugo. “Tamén escollimos este sitio ao ser un lugar vinculado ao agro e ao comercio local, ao facerse aquí o mercado dos martes e venres, dous sectores prioritarios para Ciudadanos”, explicou Olga Louzao.
José Manuel Blanco tamén quixo representar a unión de Ciudadanos con Galicia poñendo un paraugas ao lado do logotipo de Ciudadanos en “referencia aos Pelúdez e como símbolo da chuvia e de Lugo” e cunha pranta laranxa na mesa “para simbolizar o crecemento de Ciudadanos na provincia de Lugo”.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
