Lourenzá. 22, abril, 2019. O PP de Lourenzá ven de presentar a lista completa encabezada por Francisco Javier Rodríguez Barrera co que concorrerá ás vindeiras eleccións municipais do 26 de maio.
Antonio Rego Rey figura no número 2 da lista seguido de Eduardo Reigosa Braña e Emma Álvarez Chao nos postos 3 e 4. As seguintes persoas na lista son Sandra Gómez Maradona, Magdalena Prado Rodríguez, José Martínez Ferreira, María José Sante Garcí, María Guadalupe Flórez Seivane, Roberto Díaz Expósito e Pablo Maseda Fernández. Darío Rodríguez Bermúdez, Josefa Rodríguez Lorenzo e Alejandro Fernández Reigosa completan a candidatura como suplentes da lista.
O alcaldable popular sinala que se trata “de xente moi válida, formal, preparada e comprometida que se une co obxectivo de traballar por mellorar Lourenzá”. É máis, Rodríguez Barrera defende que “o noso proxecto está pensado para os vindeiros catro anos, non improvisado nos últimos meses” e “este equipo será o que volva a poñer a Lourenzá no lugar que se merece sacándoa do desastre no que a meteu o PSOE por mor das súas guerras internas dentro do propio equipo de Goberno onde se deron dúas dimisións e tres renuncias”.
Rodríguez Barrera recorda que “o Partido Popular fixo todo o que hoxe temos en Lourenzá porque gobernou sempre dende que hai democracia, agás nos últimos catro anos”. Así, indica que “este equipo, ao que lle agradezo o apoio, vai facer deste un concello máis moderno, profesional e cercano aos nosos veciños e veciñas” e avanza que “trataremos de traer para Lourenzá todos cantos investimentos sexan posibles”.
O candidato popular á alcaldía aposta pola implantación de novas instalacións deportivas para o fomento do deporte entre os máis novos e novas e, nese sentido, comprométese “a dotar ao municipio dun campo de herba artificial no primeiro ano de mandato”. Tamén sinalou Rodríguez Barrera o seu apoio aos maiores e dependentes; ademais da necesidade de “mellorar o aspecto xeral do pobo facéndoo un lugar agradable para vivir” e “poñer en valor o noso patrimonio”. Pero tamén nomea o popular “a potenciación da nosa faba e a defensa dos seus produtores” ou “o apoio aos gandeiros” entre algunhas das súas iniciativas para desenvolver dende o Goberno local se os laurentinos e laurentinas “nos dan a súa confianza”.
Candidatura
1. Francisco Javier Rodríguez Barrera
2. Antonio Rego Rey
3. Eduardo José Reigosa Braña
4. María Emma Álvarez Chao
5. Sandra Gómez Maradona
6. Magdalena Prado Rodríguez
7. José Martínez Ferreira
8. María José Sante García
9. María Guadalupe Flórez Seivane
10. Roberto Díaz Expósito
11. Pablo Maseda Fernández
Suplentes:
Darío Rodríguez Bermúdez
Josefa Rodríguez Lorenzo
Alejandro Fernández Reigosa
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
