Viveiro, 26 de abril de 2019. O sábado 4 de maio de 2019, na sala de exposicións da Biblioteca Municipal, abrirase ao público a exposición titulada BUJADOS: bosquexos, poemas e documentos, organizada pola Deputación Provincial, o Museo Provincial de Lugo e o Concello de Viveiro. Esta mostra fundaméntase no legado que María Luísa Blasco Bujados, sobriña do artista, entregou ao Museo Provincial de Lugo en 2016 e inclúe unha colección de apuntamentos, bosquexos e debuxos orixinais de Manuel Bujados, algúns deles mostra da súa colaboración en diversas publicacións, ademais de cadernos con textos manuscritos e ilustrados polo autor. Completa o legado un conxunto de recortes de prensa, cartas, documentos varios e catro debuxos realizados por outros autores pertencentes ao seu círculo de amizades.
Trátase dunha colección inédita ata agora e de gran importancia para profundar no coñecemento da obra de Bujados, fundamentalmente no seu proceso creativo e na súa dedicación profesional á ilustración, pero tamén para valorar aspectos descoñecidos na súa vida e obra e achegarnos á personalidade deste singular e polifacético artista.
A colección estivo en estudo técnico-artístico e recibindo tratamento de conservación por parte do persoal técnico especializado do Museo Provincial de Lugo.
Este legado, xunto coa colección de Bujados que xa posuía o museo -parte dela exposta ao público na súa SALA 24-, converten ao Museo Provincial en lugar de referencia para o estudo e goce da obra de Manuel Bujados e na institución con maior número de obras orixinais deste autor.
Dende o Concello de Viveiro sentímonos profundamente satisfeitos por poder acoller esta exposición e ofrecer a veciños e visitantes a posibilidade de admirar esta importante mostra -inédita- do artista Manuel Bujados, precisamente neste ano no que se cumpre o 130 aniversario do seu nacemento. Consideremos que se trata dun fito cultural e artístico especialmente relevante e estamos convencidos de que servirá para coñecer, un pouco máis, a vida e obra deste grande artista viveirense.
O pintor e debuxante Arcadio Manuel Bujados Fernández naceu en Viveiro o 12 de xaneiro de 1889, no seo dunha famili numerosa. Sendo un neno emigrou, con seu irmán, á Belle Ville (Córdoba, Arxentina), cidade coa que estivo moi ligado durante toda a súa vida e na que faleceu o 21 de xuño de 1954. Aínda que comezou a súa actividade artística publicando poesía, contos e novelas curtas, a súa gran calidade como debuxante foi descuberta polos críticos do momento e, en 1913, participou na exposición de artistas galegos organizada polo Centro Gallego de Madrid; ao ano seguinte, expuxo no Salón de Humoristas e, en 1917, na exposición rexional de artistas galegos celebrada na Coruña en 1917; foron estas as primeiras exposicións dunha serie de mostras que o levaron a expoñer a súa obra dentro e fóra do país. Manuel Bujados é o principal representante do modernismo sensual e foi comparado co debuxante británico Aubrey Bearsley (ilustrador das obras de Oscar Wilde), con Gustave Moureou, William Blake, Gustave Klimt, etc.
O Concello de Viveiro quere agradecer publicamente á Deputación Provincial e ao Museo Provincial de Lugo por ofrecer a posibilidade de organizar conxuntamente esta exposición e anima a todas aquelas persoas interesadas en achegarse á obra de Bujados a achegarse a esta histórica mostra, que poderá visitarse ata o 3 de xuño de 2019, de luns a venres en horario de 16:30 a 20:30 horas, e os sábados de 11:30 a 13:30 horas.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
