Burela, a 11 de abril de 2019.- O Grupo Municipal Popular burelés manifestou hoxe que “o alcalde aínda está a punto de paralizar o concurso para a nova adxudicación da recollida de lixo e limpeza viaria, e que sexa a nova corporación a que decida sobre este asunto”.
É máis, os populares cren que “se demostra que Llano estaba mentindo cando dixo que era necesario facelo canto antes porque o día 31 de marzo expiraba o contrato con GESECO e había que ter o concurso adxudicado para non bordear a legalidade. Pero, o certo é que o concurso aínda está na fase de presentación de ofertas e a pesar de que o contrato con GESECO rematou o día 31 segue prestando o servizo e cobrando polo mesmo, por suposto, e non está pasando absolutamente nada porque evidentemente hai que seguir facendo a recollida de lixo e a limpeza viaria”.
Segundo os edís do PP, “Llano suma o maior número de mentiras, enganos e bulos imaxinable e tamén acumula a maior incapacidade de xestión que se lembra, xa que foi incapaz de cumprir ningunha das súas promesas e anuncios: mercado, traseira de Capitanía, parque empresarial do Perdouro, novo pavillón, etc. En concreto, no asunto da recollida de lixo e limpeza viaria dixo que o Concello recuperaría a xestión directa, pero está facendo todo o contrario”.
Para os populares “Llano está levando a cabo unha das maiores tropelías co novo concurso de recollida de lixo e limpeza viaria, xa que se encarece en 109.000 euros ao ano sobre o prezo de licitación e en 184.000 euros ao ano incluíndo o tratamento dos biorresiduos. E este gasto estenderase durante cinco anos. Non son máis porque a lei non o permite”.
A este respecto, os edís do PP recordan que “non deu ningún tipo de explicación nin aclarou cales son os intereses que o levan a sablear os cartos de todos os veciños do concello”.
O Grupo Municipal Popular de Burela asegura que “Llano suma o maior número de embustes e enganos que se recorde”
Relacionado
-
A Xunta destaca en Entrepinares o valor da transformación de preto do 10% do leite galego para xerar riqueza e emprego no rural
-
“Eólica así non” denuncia o desamparo do Consello Xeral do Poder Xudicial e da presidencia do TSXG ante o traslado masivo de preitos eólicos a outra sección
-
A Xunta e o Concello de Castro de Rei Destinan 1,35 M€ para a modernización da estación potabilizadora de Quintela para garantir a máxima calidade da auga
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
