Ribadeo, 6 de maio de 2019. A concelleira de Servizos Sociosanitarios, Sonia Meilán, agarda que a colaboración que a Fundación Alimerka ven mantendo co Concello de Ribadeo siga durante máis anos.
A devandita Fundación entregou o ano pasado, en 2018, máis de 66.000 unidades de produtos aos Servizos Sociais de Ribadeo e Foz a través do seu programa Alimentos sen desperdicio. Os artigos foron repartidos, segundo o criterio das administracións locais, a persoas e familias en situación de vulnerabilidade.
Sonia Meilán sinalou que “estamos aquí coa Fundación Alimerka agradecendo outro ano máis a súa colaboración en doazón de alimentos frescos e perecedoiros, co que pensamos que contribúen a unha alimentación máis equilibrada. Esperamos seguir colaborando xuntos por moitos anos e estamos abertos a calquera nova idea”.
Antonio Blanco, director da Fundación Alimerka, dixo que “trabajamos para lograr que el 100% de los productos retirados de la venta tengan un destino social y no se conviertan en desperdicio”. E animou “a aquellas entidades sociales y municipales del Occidente de Asturias que puedan estar interesadas en contar con estos excedentes a que se pongan en contacto con la Fundación Alimerka. Estaremos encantados de atenderlos”. A Fundación foi recoñecida co primeiro accésit dos XII Premios Estrategia NAOS por esta iniciativa de doazón de excedentes.
En 2019 seguirá o programa Alimentos sen desperdicio en Ribadeo e en Foz, así como a operación quilo anual que adianta as súas datas e dará comezo o vindeiro 15 de maio prolongándose durante dúas semanas. Os produtos recollidos tamén serán entregados aos Servizos Sociais municipais. Ademais a Cruz Vermella de Lugo forma parte das entidades beneficiarias do Plan de Axuda Alimentaria da Fundación. O ano pasado recibiu 3.600 euros en vales de compra que foron repartidos entre 120 usuarios.
A concelleira de Servizos Sociosanitarios, Sonia Meilán, agarda que a colaboración que a Fundación Alimerka ven mantendo co Concello de Ribadeo siga durante máis anos
Relacionado
-
A Deputación investirá 260.000 euros na mellora de dúas estradas clave de Burela
-
O Concello de Viveiro lembra as normas de seguridade e convivencia para a Romaría do Naseiro, que comezou este venres
-
Ribadeo vive unha fin de semana gastronómica con catro grandes citas: Feira do Mel, Festa da Ría, Carne ao Caldeiro e Mercado do Camiño
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
